Алматы іргесіндегі "Жаңа қуат" қалашығының тұрғындары бас көтерді

Алматы іргесіндегі "Жаңа қуат" қалашығының тұрғындары бүгін бас көтерді. Олар, қалашыққа жауапты "Там құрылыс" компаниясы өздерінің о баста берген уәдесін орындамай отыр, - деп наразы. Ондағы үйлердің сапасы сын көтермейтіні өз алдына, қалашықтың кейбір тұсы батпаққа батып жатыр. Жөндеусіз жолдың кесірінен жедел жәрдем діттеген жеріне жете алмайды, - деп ашулы ел. Ал, компания өкілдерінің бұл жағдайға айтар өз уәжі бар. Ауасы таза, қаланың шуылынан жырақ жерде орналасқан "Жаңа қуат" қалашығының тұрғындары бүгін таң атпай жиналды. Коттеджді қалашық деген аты болмаса, тірлігіміз - тұрпайы, өркениет бізді өгейсініп тұр. Себеп - мұндағы қос қабатты үйлердің арасын бөліп жатқан көшелердің біразы - батпаққа батып жатыр, дейді тұрғындар. БЕКЕН ТЕМІРБАЕВ, "Жаңа қуат" қалашығының тұрғыны: Бес жыл болды тұрғаныма. Содан бері міне қараңыз, жолды. Қараңыз, нашар. Канализация деген жоқ. ӘЛИЯ ТАЖИДДИНОВА, "Жаңа қуат" қалашығының тұрғыны: Не көлік өтпейді, не коляскамен жүре алмаймыз, коляскамның үш дөңгелегі де түсіп қалды. Баламды көтеріп шығам, асфальт жолға келгенде түсірем. Вообще үйден шыға алмаймыз. Судай жаңа қалашықтың жөндеу көрмеген жолдарының кесірінен жедел жәрдем уақытында діттеген жеріне жете алмайды, салдарынан адам шығыны да болды, дейді тұрғындар. САЛТАНАТ ТӨЛЕУБАЕВА, "Жаңа қуат" қалашығының тұрғыны: Вызвали соседи, друзья скорую вызвали. Скорая так и не приехала. И она быстренько села на руль. Но довести она не могла. ИРИНА СОВЕТЖАНҚЫЗЫ, Тілші: Ал кейбір көшенің тұрғындары батпаққа батқан жолдан өтетін өткелді өздері жасап алған. Мына секілді қағаз-картондар мен құрылыс материалдарының қалдығын жолға төсеп қойыпты. Алайда, олардың бұл әрекеттерінің де нәтижесі ұзаққа бармайды екен, өйткені, жаңбыр жауған күндері қағаз-картондар еріп кетеді- дейді тұрғындар. Тұрғындар, талаптарын "Там құрылыс" компаниясы өкілдеріне бірнеше рет айттық, - дейді. Бүгін де компания басшылығымен тілдесуге бізбен бірге барды.