Klan News - Sherri mes kushërinjve përfundon me përdorimin e pistoletës, një i plagosur në Kurbin

Një person ka mbetur i plagosur me armë zjarri në fshatin Malbardhë të Kurbinit. Policia njoftoi se i lënduari është Fatjon Lika. Ai u qëllua me një plumb pistolete nga kushëriri i tij Admir Shqypi (Lika). I plagosuri u transportua menjëherë në spitalin e Traumës në Tiranë për ndihmë mjekësore dhe ndodhet jashtë rrezikut për jetën. Autori i kësaj ngjarje është shpallur në kërkim. Bashkë me të janë shpallur në kërkim edhe dy shokë të tij, të dyshuar si të përfshirë në konflikt. “Shërbimet e Policisë Kurbin, të DVP Lezhë dhe Forcat Kombëtare të Sigurisë vijojnë kontrollet për kapjen e autorit dhe të dy shtetasve të tjerë E. L dhe P. L., të përfshirë në konflikt”, njoftoi policia. Deri më tani nuk dihen shkaqet dhe rrethanat e plota të kësaj ngjarje. Ajo që bëhet e ditur është se mes autorit dhe të plagosurit ka pasur një konflikt të nisur më parë./tvklan.al SUBSCRIBE to "RTV KLAN" on YouTube for more videos! Për më shumë informacione vizitoni faqen tonë web https://tvklan.al/kategoria/klan-news/ Follow Klan News on Facebook:   / klannews   Follow @klannews on Instagram:   / tvklannews   #KlanNews #KlanNewsLajme #TvKlan