Allaha əbədi izzət olsun | Gündəlik Çörək (Dinlə) | Müqəddəs Kitab | İncil | Əhdi-Cədid

Allaha əbədi izzət olsun | Gündəlik Çörək (Dinlə) | Müqəddəs Kitab | İncil | Əhdi-Cədid | Ruhani Qida | Allahın Kəlamı Həvari Paulun Romalılara Məktubu | Fəsil 16 Salamlar və xahişlər 17. Qardaşlar, sizə yalvarıram ki, öyrəndiyiniz təlimin əleyhinə çıxaraq ayrılıq salan və büdrəməyə səbəb olan adamlara nəzarət edin və onlardan uzaq durun. 18. Çünki belə adamlar Rəbbimiz Məsihə deyil, öz qarınlarına qulluq edirlər; onlar yağlı və yaltaq nitqləri ilə sadəlövh adamların ürəklərini tovlayırlar. 19. Sizin itaətiniz hamıya bəllidir. Buna görə də sizin üçün sevinirəm. Amma istəyirəm ki, yaxşı işlərdə müdrik, pis işlərdə məsum olasınız. 20. Sülh qaynağı olan Allah Şeytanı tezliklə ayaqlarınızın altında əzəcək. Rəbbimiz İsanın lütfü sizə yar olsun! 21. Həmkarım Timotey, soydaşlarım Luki, Yason və Sosipater sizə salam göndərir. 22. Bu məktubu yazıya alan mən Terti də Rəbbin ismi ilə sizə salam söyləyirəm. 23 -24. Məni və bütün cəmiyyəti qonaq saxlayan Qayın sizə salamı var. Şəhərin xəzinədarı olan Erast və Kvart qardaş da sizə salam göndərir. Allaha əbədi izzət olsun 25. Allah mənim elan etdiyim Müjdəyə və İsa Məsih barədə vəzə görə, əzəldən bəri gizli saxlanmış sirri aydınlaşdıran vəhyə uyğun olaraq, sizi qüvvətləndirməyə qadirdir; 26. bu həmin sirdir ki, indi aşkar olmuş və əbədi Allahın əmrinə əsasən peyğəmbərlərin Yazıları vasitəsilə bütün millətlərin iman gətirib itaət etməsi üçün bəyan edilmişdir; 27. o yeganə və müdrik Allaha İsa Məsih vasitəsilə əbədi izzət olsun! Amin. . site: https://alov.az site: https://alovchurch.az instagram:   / alovbirliyi   facebook:   / alovbirliyi   tiktok:   / alovbirliyi   whatsapp: https://wa.me/994775868800 whatsapp: https://wa.me/994708268800 ünvan:    • Video   telefon: +994775868800 email: [email protected]