Abort i fshehtë & xhelozi! Si u zbardh vrasja e futbollistit nga ish-partnerja-Krime të pazgjidhura

🎧 Një podcast nga Edlira Kalaja 📺 #KrimetëPazgjidhura në #tvklan Donato (Denis) Bergamini ishte një futbollist italian shumë i dashur, i cili luante për ekipin e Cosenza-s dhe konsiderohej një talent në ngjitje në futbollin italian. Më 18 nëntor 1989, në moshën 27-vjeçare, ai u gjet i vdekur në rrugë, pasi dyshohej se ishte hedhur nën një kamion pas një debati me ish-të dashurën e tij, Isabella Internò. Fillimisht, autoritetet e konsideruan ngjarjen vetëvrasje, bazuar kryesisht në dëshminë e Isabellës dhe të shoferit të kamionit. Megjithatë, familja e Denis-it nuk e besoi kurrë këtë version, pasi trupi i tij kishte shumë pak dëmtime për një aksident kaq brutal dhe shumë prova u neglizhuan ose u zhdukën në mënyrë misterioze. Me kalimin e viteve, dolën dëshmi dhe ekspertiza të reja që ndryshuan krejtësisht rrjedhën e çështjes. Mjekë ligjorë dhe ekspertë të rinj arritën në përfundimin se Denis kishte shumë gjasa të kishte vdekur para se kamioni ta godiste, duke ngritur dyshime për një vrasje të inskenuar si vetëvrasje. U zbuluan konflikte të forta në marrëdhënien e tij me Isabellën, përfshirë një abort të fshehtë, xhelozi obsesive dhe kërcënime të mundshme nga familjarë të saj. Pas më shumë se 35 vitesh hetime, protestash dhe kërkesash për drejtësi nga familja Bergamini dhe qyteti i Cosenza-s, më 1 tetor 2024 Gjykata e Asizeve në Cosenza vendosi se Denis Bergamini nuk kishte kryer vetëvrasje, por ishte vrarë. Isabella Internò u shpall fajtore për organizimin e vrasjes së tij në bashkëpunim me persona të tjerë ende të paidentifikuar dhe u dënua me 16 vite burg. #DenisBergamini #DonatoBergamini #KrimeTePazgjidhura #PodcastTVKlan SUBSCRIBE to "RTV KLAN" on YouTube for more videos! Për më shumë informacione vizitoni faqen tonë web https://tvklan.al/kategoria/klan-news/ Follow Klan News on Facebook:   / klannews   Follow @klannews on Instagram:   / tvklannews   #KlanNews #KlanNewsLajme #TvKlan