Akademia e Policisë nuk do pranojë studentë të rinj për vitin akademik 2005-2006 - (26 Korrik 2005)

Lajme arkiva 2005 Maturantët që duan të fillojnë pas shkollës të mesme dhe një karrierë në polici, këtë vit nuk do të kenë shanse për këtë. Kjo pas një urdhri të dalë nga Ministria e Rendit. Akademia e Policisë do të përfshihet në vitin akademik 2005-2006 në një projekt, i cili është zbardhur vetëm tashmë me fillimin e pushimeve verore për studentët aktualë dhe trupën pedagogjike të Akademisë të Policisë. Gjithçka është hartuar me ndihmën e misioneve të huaja policore që veprojnë në Tiranë. Ky projekt konsideron të nevojshëm dhe prioritet trajnimin dhe shkollimin e uniformave “blu”, që janë në detyrë dhe kanë nivel të pamjaftueshëm paraditeje. Por duke u përqendruar në këtë nivel shkollimi, Akademia e Policisë mohon të drejtën e të rinjve shqiptar që kanë filluar përgatitje dhe kanë ambicie që të përfshihen në karrierë policore. Akademia e Policisë ka qenë vitet e fundit një nga institucionet e edukimit ku ka patur më shumë kërkesa për të konkurruar dhe regjistruar për shkollim. Konkurset e pranimit janë përfshirë vazhdimisht na një rivalitet i fort dhe shpesh janë përfolur dhe për abuzime me pranimin e studentëve të caktuar në këtë degë. Mjaft nga studentët që kanë konkurruar dhe nuk kanë fituar më parë ka një vit të plotë që përgatiten për të konkurruar sërish dhe duke mos qenë njoftuar më parë për shumë maturantë shqiptar kanë filluar përgatitjet për konkurset e Akademisë të Policisë. Kjo është e vemja shkollë policore për momentin por për këtë vit do të mbyllë dyert për të rinjtë. /tvklan.al Gazetare: Aranita Brahaj SUBSCRIBE to “RTV KLAN” on YouTube for more videos! Për më shumë informacione vizitoni faqen tonë web https://tvklan.al/ Videot e fundit nga Tv Klan i gjeni në faqen https://tvklan.al/video/ Follow Tvklan on Facebook:   / tvklan   Follow rtvklan on Instagram:   / rtvklan   Programet e Tv Klan mund t’i ndiqni edhe në faqen https://tvklan.al/programe/