Klan News - Gara për mjekësinë, bie interesi i maturantëve rreth 40% për degën

"Nisi testimi i formalizuar për maturantët që do të konkurojnë në degën e mjekësisë së përgjithshme. Në total janë 1 mijë e 202 kandidatë, por në krahasim me vitin e shkuar janë rreth 40% më pak. Kjo vjen dhe për shkak të efekt të ligjit i cili ka hyrë në fuqi këtë vit, e i detyron ata të punojnë tre vite pas përfundimit të studimeve", shprehet gazetarja e Klan News, Ermelinda Hoxhaj. Vitin e shkuar në garë ishin 2 mijë e 35 kandidatë, ndërsa këtë vit garojnë vetëm 1 mijë e 202 maturantë. Nga testi i informatizuar kandidatët do të marrin 30% të pikëve, ndërkohë që pjesën më të madhe të pikëve, 70%, e fitojnë nga rezultatet e arritura gjatë tre viteve të shkollës së mesme. Pas testimit, kandidatët thanë se testi i përmbahej fondit të pyetjeve të bëra publike. "Provimi shkoi shumë mirë", tha një maturante. "Mirë, provimi nuk ishte aq i vështirë", tha një maturant tjetër. "Provimi shkoi shumë mirë. Ishte një shkallë vështirësie normale. Në përgjithësi ishte mirë, qetësi, të gjitha shumë mirë", tha një tjetër maturante. Ndërkohë që në lidhje me ligjin që i detyron studentët e mjekësisë të lidhin një kontratë pas përfundimit të studimeve, për të punuar tre vite në institucionet shëndetësore publike ku shteti ka nevojë, nuk u duket i drejtë, por e kanë marrë parasysh si masë. "Zgjodha të qëndroj pavarësisht se nuk më duket e drejtë, por përsëri zgjodha të qëndroj", shtoi maturantja. "Unë e pranoj, pasi kam zgjedhur të studioj në vendin tim. E gjej veten në vendin tim dhe besoj është mjaft opsioni i mirë të studiosh në Shqipëri", tha një nxënëse. Testi i informatizuar për të gjithë kandidatët e regjistruar do të zhvillohet deri më 22 gusht, pranë Qendrës së Shërbimeve Arsimore në Tiranë. Në degën e Mjekësisë së Përgjithshme në universitetin publik janë miratuar në total 500 kuota pranimi, por kandidatë brenda vendit do të pranohen 436 studentë, ndërsa pjesa tjetër është për kandidatët nga trojet. Klan News SUBSCRIBE to "RTV KLAN" on YouTube for more videos! Për më shumë informacione vizitoni faqen tonë web https://tvklan.al/kategoria/klan-news/ Follow Klan News on Facebook:   / klannews   Follow @klannews on Instagram:   / tvklannews   #KlanNews #KlanNewsLajme #TvKlan