AILÁ - Muiñeira do Sixto da Chaparra

Aurelio Sixto Novio, o "Sixto da Chaparra" foi o gaiteiro máis influinte das terras de Compostela nos primeiros anos do século XX. Mestre de numerosos gaiteiros como o Señor Pedroso das Casas Novas e do Señor Landeira de Cacheiras emigrou a Buenos Aires no ano 1934 antes da guerra civil española. Contan del que foi "Un gaiteiro que lle facía fronte ao mesmísimo Avelino Cachafeiro sen lle envexar nada". Convidado especial: Pablo Carpintero (voz). Ángela Carou (voz e percusións) Manuele Pardo Lareo (voz e gaita) Abel Gañete (trompeta) Xan Pampín (acordeón e bombo) Gravación e mestura por Roberto Ledesma (AATIA) nos Estudios Son natural. Produción Ailá. Masterización en Mastering Mansion por Nick Litwin. Fotografía e deseño gráfico: P. Pastor Letra: Io gaiteiro da Chaparra No ronco da gaita leva Un letreiro que dicía Santiago de Compostela. Pasei a Pontepedriña Paseina pedra por pedra Pasei a Pontepedriña Antes de que o río enchera Ei de mercar un espello Na feira do vinteseis Para ollar a miña prenda Do dereito e do revés-e I enriba do consistorio Témolo cabalo branco I os da Coruña e Ferrol Non poden cos de Santiago Xa vou dala despedida Para que nos despidamos Xa vou dala despedida Dos mociños de Santiago