طريقه المهياوه ( سمك المتوت ) _ عمر الكندري

طريقه المهياوه • • • 🔹المقادير🔹 ▫️نص كيلو كزبره حب ▫️نص كيلو كمون حب ▫️اقل من نص كيلو حبه حلوه ▫️يحمس 1 كوب خردل ويطحن بروحه ▫️يحمس 2 كوب بذره الكتان ويطحن بروحه ▫️يحمس الشعير 2 كوب ويطحن ▫️ربع كيلو تمر منقوع بماي ▫️سمك متوت الصغير يطحن مقدار 6 اكواب ▫️ملح حسب الرغبه ▫️ماي ▫️خل يعطي حموضه للمهياوه عادي اذا تحبونها حامضه اكثر تزيدون الكميه ( السمك اول شي ينشف بالشمس عشان لو فيه ماي يطلع منه وبعدين ينظف تشيلون الراس ويطحن ناعم وبعدين بالمنخال تشخلونه اي شي يطلع تشيلونه لازم يكون بودر ) 🔹السمك ينباع ابعض بالجمعيات او المباركيه وبعض المطاحن • • • 🔴 جميع المقادير تطحن ناعمه عدل ونحطها بالمنخل عشان لو في شي يطلع شي ضروري تكون ناعمه عدل قبل لاتبلشون تخلطون وتحطون الماي🔴 • • • 🔻يخلط 🔻 ▫️6 اكواب سمك ▫️البهارات 5 اكواب ▫️الشعير 2 كوب ▫️ربع كيلو تمر ويضاف له الماي والملح لازم يكون مالح تذوقونه ولازم يكون خاثر مو وايد خفيف ان شاء الله شكله يبين بالتصوير • • • 🔶 نعبيه ابطل زجاج ومانصكره عدل بس نحط الغطى حط عشان تتنفس المهياوه ويدش داخلها هوا بس نغطيها بفوطه او قطعه خام نظيفه عشان لايتوصخ نخليه يقعد بالشمس مده اسبوع وبعدها لما ندخله نظيف عليه 1 كوب خل وندخله داخل وعادي لو يقعد بعد اسبوع قبل لايدش الثلاجه يصير احلى ويتخمر عدل لو فيه زفره ولا شي تروح كل مانخليه فتره اكثر • • • وبس هذي طريقه المهياوه ان شاء الله تكون واضحه وكل شي مكتوب ومفهوم • • • 🔵الشرح باليوتيوب اكثر لان الفيديو طويل وفيه كلام وشرح وايد🔵 • • • يعطيج العافيه يما حبيبتي على الشغل والتعب والله يخليج لنا يارب • • • هذي طريقه امي ....فايزه الكندري الله يخليها لي ويطول بعمرها • • • وبعض الشغلات والتعديلات من طريقه يدتي الله يرحمها فاطمه الكندري • • • ودمتم سالمين وربي يحفظكم جميعا ٠ . Instagram:   / kanderyo   ٠ ٠ ٠ Snapchat:   / kandery