البريك المديني الأصلي

‎البريك المديني ‎الطريقة : ‎دقيق٥ أكواب ‎سمن ‎زيت ربع كوب ‎موية كوبين ‎ملح ‎لحم مفروم كيلو ‎كمون ملعقة صغيرة ‎فلفل أسود ملعقة صغيرة ‎حزمة بقدونس ‎بصل ٥بيضات مسلوقة ‎العجينة : ‎نضيف في العجانة ٥ أكواب دقيق و نضيف عليه ربع كوب زيت و نخلطهم مع بعض و نضيف عليه ملعقة صغيرة ملح و نضيف الموية بالتدريج و نخليها تعجن ١٠ دقايق و ضروري العجينة تكون طرية و ما تلصق في اليد و نجمع العجينة على بعض و ندهنها بالزيت و نغطيها و نخليها ترتاح لمدة ساعة وبعدين نقسمها أرباع ونغطيها ونخليها ترتاح لمدة ربع ساعة ‎الحشوة : ‎في طاوة نضيف المفرومة و نطقطقها لين تنشف مويتها و نضيف عليها الملح و الفلفل الأسود و الكمون و نضيف البصل و نقلبهم لين يذبل البصل و نخليها تبرد تماما و نضيف عليها البقدونس . ‎الطريقة : ‎نفرد العجينة مع شوية دقيق بعد مانفردها بالفرداة نحط العجينة على اليد من النص ونسحبها سحب من كل الاتجاهات وبعدها نسحبها من الأطراف لين تسير رقيقة جدا زي الورقة و نجيب الصينية و نقص العجينة على قدها و ندهنها بالسمن و نفرد أول طبقة من العجينة و ندهنها بالسمن و نكرر نفس الخطوات ٣ مرات وبعد الطبقة الثالثة نضيف الحشوة و نقطع البيض شرايح و نرصه فوق الحشوة و نكرر نفس الخطوات السابقة و نغطيها ب ٣ طبقات من العجينة و نشيل الزوايد من الأطراف و آخر شي ندهن الوجه بالسمن و نحط الصينية على نار هادية مباشرة و نحرك الصينية كل شوية لين تتحمر من تحت و نجيب صينية تانية نفس الحجم و نقلب العجينة لين نحمرها من الجهتين #وصفات #رمضان #المدينة_المنورة #اكلات_رمضان #وصفات_رمضان #معجنات #شيف_الياس_رحيم