الوداع || مصدق هلال #محرم_الحرام 2025

اداء: مصدق هلال كلمات صلاح عواد المحاويلي الهندسه الصوتيه :بشار العبيدي تصوير :استوديوهات تيمو ميديا مونتاج : حسنين عوض كلمات القصيده: نورك علي من غاب عبدالله كلبي نصاب شفت المنايه تحوم كلت الوداع اليوم **** يمه ياعبدالله اريدك. شمعه تظويلي الليالي تمسح ادموع المصيبه. وترسم الفرحة بخيالي من اجي المهدك واشوفك گمرة اخدودك تلالي هسه اموتن لو اعاين مهدك وكدامي خالي يبني بسكم ضليت. لا عايله ولا بيت شفت المنايه تحوم. كلت الوداع اليوم ***** من شفت دمعك تهله. والعطش ذبل وريدك كتله يحسين اخذه يمك. بلكي ماي تشربه بيدك وانه يا عبدالله اعاين. يمته تتروه ويعيدك بس لكيت الموت اجاني. يبني مستعجل يريدك يبني اشتهاك الموت. صاح وسمعته الصوت شفت المنايه تحوم. كلت الوداع اليوم ***** حرمله الملعون اشوفه. حظر اسهامه الرديه من وره الخيمه ولكيتك. ملتفت عينك عليه جنك اتحاجيني يمه. منج اخذتني المنيه يبني سهم الي تعنه. وصوبك جن صاب بيه ما اكدر ابلياك خليني اموت وياك شفت المنايه تحوم. كلت الوداع اليوم ***** سهمك الغيم زماني. غورب الدنيه وسماهه صوب الشمعه ورديك بالنزف ذيت ظواهه يبني اشوف اكبالي روحك. فرفحت يوم اعتناهه والله ماضن الليالي. تنجلي ويرحل بلاهه عبدالله هاي الروح. ضلت عليك تنوح شفت المنايه تحوم. كلت الوداع اليوم ***** المن اشكي الي جرالي. يبني ماضلت وسيله شما ادير العين اعاين. غربه ياهو الاشتكيله وانه ياعبدالله اعاني. واسحل بروحي النحيله من عكب مافاركونه. تكفلت بينه العقيله يبني دشوف الصار بينه الزمان اندار شفت المنايه تحوم. كلت الوداع اليوم صلاح عواد المحاويلي