Opinion - “Diktatori” - Film mbi Enver Hoxhen( 03 maj 2012)

Filmi “Diktatori” hedh dritë mbi historinë, aktivitetin dhe jetën e diktatorit Enver Hoxha, i cili drejtoi 41 vjet Shqipërinë. Hoxha përmblidhte një mister të madh, që vijon ende të mos jetë zbardhur plotësisht. Në këtë film shpjegohet fëmijëria e rinia e Enver Hoxhës, ardhja e tij në krye të Partisë Komuniste, konsolidimi dhe dominimi i kësaj partie dhe eliminimin e të gjithë njerëzve të tij të afërt. Historia e “Diktatorit” është fokusuar te raporti i Hoxhës me drejtuesit e lartë të Partisë Komuniste. “Ne kemi punuar 2 vjet me arkivat, dëshmitë e lëna, materialet filmike që nuk janë transmetuar ndonjëherë, fjalimet e tij për të sjellë një film që iu vlen atyre që e kanë njohur atë kohë, që mendojnë se dinë gjithçka për Enver Hoxhën, por që sa më shumë ta shohin këtë film do të kuptojnë që nuk e dinë çfarë ka ndodhur. Filmi u vlen dhe atre që kanë qenë në kufi të dy kohëve, por akoma dhe më shumë të rinjve që kanë lindur në fund ose pas komunizmit”, u shpreh gazetari Blendi Fevziu./tvklan.al