102 - SHREE SAMAYSAR PRAVACHAN - GATHA-5 Pt. SHAILESHBHAI SHAH DT: 18/07/2026

102 - SHREE SAMAYSAR PRAVACHAN POORVARANG ADHIKAR –GATHA-5 Pt. SHAILESHBHAI SHAH DT: 18/07/2026 💥પ્રવચન નં.૧૦૨ તા.૧૮-૭-૨૬💥 🌻શ્રી સમયસાર શાસ્ત્ર ના ગાથા-૫ પર આદરણીય પંડિત શ્રી શૈલેષભાઈ ના પ્રવચન ના અંશો. 🌹1,નિજ વૈભવ કેવો છે?...સમસ્ત વસ્તુઓને પ્રકાશનાર અને 'સ્યાત્' પદથી મુદ્રિત આગમ ની ઉપાસનાથી જેનો જન્મ છે. 💐2, આગમ ને બીજા કળશમાં સરસ્વતી નામ આપ્યું. જેનો સ્વાધ્યાય મોહનું વમન કરાવે છે. ☘️3, પ્રવચનસાર ગાથા-80 માં મોહના ક્ષયનો ઉપાય બતાવ્યો. અરિહંત ભગવાનના આત્માને જાણી જે પોતાના આત્માને જાણે છે તેનો મોહ ક્ષય ને પામે છે. આગળ ગાથા-86 માં ઉપાયાન્તર બતાવીને કહ્યું કે જ્ઞાયકના લક્ષે સ્વાધ્યાય કરો તો મોહનું વમન થશે. 🪴4, શ્રી 'અષ્ટપાહુડ' ના દર્શનપાહુડની ગાથા-17 માં કહ્યું કે...સમ્યક્ત્વ જિનવચનથી પ્રાપ્ત થાય છે. તેથી તે જ સર્વ દુઃખોનો નાશ કરે છે. 🪻5, જિનવચનો ઔષધિ છે. જે વિષયસુખોથી અરુચિ ઉત્પન્ન કરાવે અને વૈરાગ્ય ઉત્પન્ન કરાવે. 🪸6, શ્રીમદ્દ માં પણ આવે છે કે...'વચનામૃત વીતરાગના પરમશાંત રસ મૂળ, ઔષધ જે ભવ રોગના કાયરને પ્રતિકૂળ.' 💐7, શ્રી મોક્ષમાર્ગપ્રકાશક માં આવે છે કે...કોઢીને અમૃત મળે અને જો તેનું પાન ના કરે તો કોઢ મટે નહિ. મિથ્યાત્વનો કોઢ મટાડવાના જિનવચનો મળ્યા અને જો વાંચવાનો ભાવ થતો નથી તો તેના અભાગ્યનો મહિમા અમારાથી કહ્યો જતો નથી. 🪾8, હજુ આગળ વધતાં તો કહ્યું કે સ્વાધીન ઉપદેશના ગુરુનો યોગ મળવા છતાં પણ જે જીવ ધર્મ વાક્યોને સાંભળતો નથી તો તે ઘીઠ(બેશરમ) અને દુષ્ટચિત્ત છે. 🌻9, અથવા જે સંસારભયથી શ્રી તીર્થંકરાદિ ડર્યા, તે સંસારભયથી જે રહિત છે તે મોટો સુભટ છે. 🌴10, આમ શાસ્ત્રાભ્યાસની પ્રેરણા જિનવાણી માં બહુ જ કરી છે.