Düzgün din təhsili necə olmalıdır? | Mehman İsmayılov | 23.04.2026

Mövzu: Düzgün din təhsili necə olmalıdır? Qonaq: Mehman İsmayılov, ilahiyyat üzrə fəlsəfə doktoru, BİK-nin direktoru Din təhsili cəmiyyətin mənəvi formalaşmasında mühüm rol oynayan əsas amillərdən biridir. İnsanların dini doğru anlaması, sağlam düşüncə ilə inanması və gündəlik həyatına tətbiq etməsi böyük ölçüdə aldığı dini təhsilin keyfiyyətindən asılıdır. Tarix boyu İslam dünyasında dini biliklər sistemli şəkildə formalaşdırılmış, müxtəlif elmi sahələr – təfsir, hədis, fiqh və digər disiplinlər vasitəsilə nəsildən-nəslə ötürülmüşdür. Lakin müasir dövrdə informasiya mənbələrinin artması, sosial şəbəkələrin təsiri və qeyri-peşəkar yanaşmalar dini məlumatın düzgün və ya yanlış formada yayılmasını daha da aktuallaşdırmışdır. Bu vəziyyət “düzgün din təhsili necə olmalıdır?” sualını ön plana çıxarır. Dini bilik yalnız məlumat toplamaq deyil, həm də onu doğru anlamaq, tənqidi düşüncə ilə qiymətləndirmək və həyatla əlaqələndirmək bacarığını tələb edir. Bugünkü verilişimizdə düzgün din təhsilinin əsas prinsipləri, ənənəvi və müasir yanaşmaların rolu, eləcə də dini bilginin formalaşmasında qarşıya çıxan problemlər və onların həlli yolları haqqında danışacağıq. 1. Düzgün din təhsili dedikdə nə nəzərdə tutulur və onun əsas prinsipləri nələrdir? 2. Ənənəvi dini təhsil ilə müasir yanaşmalar arasında necə bir balans qurulmalıdır? 3. Müasir dövrdə sosial media və qeyri-rəsmi mənbələr dini biliklərin formalaşmasına necə təsir edir? Bu təsirin riskləri nələrdir? 4. Dini biliklə yanaşı düşünmə və anlama bacarığının inkişafı nə qədər vacibdir? İnsan doğru dini bilgini necə ayırd edə bilər?