المداح السيد مقداد الرضوي قصيدتين للشاعر المبدع احمد السيد المشايخي

فاق الجذع ياناس گلبي ابأنه مشتاگ للهادي يصل يتهنى ******************** فاق الجذع زايد انينه ينوحي يبچن معاه اثنين عيني وروحي بعد الدرب زيد تراهو جروحي مدري شوكت اوصل اله واتعنه ********************** مشتاگ لديارة يصل للحضرة ويطوف يمه فوگ قبت الخضرة محلاج ياطيبة شتسر النظرة گلبي يريدج حيل زايد عنه ********************** هذا جماد اوگال كل العنده سولف الطه وشاف وجه اوخده واني بشر عايش بقيت بشدة حتى العقل من شوگه طار انجنه ********************** حنيت لدياره تصب عيوني مانام ليلي بالنبي مفتوني عاشگ محمد ابد لتلوموني گلبي سباني ايريد شوفه حنه ********************* حن الگلب فد نوب ماظل چارة محد تگعد شافلي تدبارة اقبل مشي ماريد حت سيارة اگعد اگباله مداد اطلب منه ******************** مدري شوكت اوصل واشوفه اگبالي واحچي معاه شلون صاير حالي حبك ياغالي لاعب بدلالي واسهام بعدك قاسية او اذنه *********************** الحب حلاته الطه اكبر حصه هذا حبيبي گال ربنا وخصه بعدك تركلي بگلبي حسرة وغصه وهمومي هجمن بالمغثه اوجنه ************************ ياطيبة حسي بية ناري تسعر حتى الصبر خلصان مابية اصبر هزني البعد فد نوب حالي امكدر رايد اشوفه واطلب اشأتمنى ************************ الله ياريح المدينة شحلوة لو هب هواها تعيش انت بسلوى عشگ السكن بيها بلاني بلوه احمد رسول الله راعي الجنة ********************** ابن المشايخ للقصيدة كاتب گلبو يعالم بالتهامي ذايب احمد السيد من غيابو لايب لتلوم عاشگ لتهامي حنه @@@@@@@@@@@@@@ دگيت باب الشيخ ابو اعلاميني يبن الرفاعي بشدة لتخليني ********************* دگيت بابك جيت يمك عاني رايد الشارة وين ابوسليماني غاب الفزع عني ابد ماجاني مدري يجدي تحضر او تلفيني ********************** اگبال بابك گاعد اني او ارجى دير النظر لية يشيخ العرجة شلت الروايا اومابگت كل حجة صدك كثر ماحسبت تجفيني ********************" جدي الرفاعي ليش هجرك طالي يحچون بيك الناس راعي افعالي راح اشمر الغترة واذب اعگالي انخى واحشم بيك مو تدريني ********************* باس النبي الهادي ترى من ايدة هاذي الكرامة مثبته الحفيدة عندي حچي مني الك ماعيدة جدي اذا يحبني فلا ينسيني ********************** عندو فعايل روح يمه اشكيلة جاب الاسير مقيد بزنجيلة اگعد اگباله گوله انت احچيله هز الضريح وصيح گوم الفيني *********************** الينتخي بيكم گبل تلفونه وكت الطلب بيكم يشد امتونه هسة نصيح وماكو منكم عونه انطر على الدربين تدمع عيني *********************** عاري عليكم بالشديدة باقي ميكم شربته وانتو احسن ساقي حتى النفس ياجدي والله ضاقي لا يالرفاعي اندبك كل حيني ********************** غزيت راياتي بهضم ياجدي تسمع كلامي وتعرف الي عندي وكت الفضى ماريد تلفي بسدي وكت الوزى ناخيك نسل حسيني ************************ جدك علي الكرار ابد ميهابي خيبر الو تشهد قلع هالبابي وين الفزع عنة يجدي غابي شيخ العواجز لنخاكم بيني '*' '******************* ابن المشايخ الف التنظيمي اني ابنكم والله ماني اهتيمي احمد السيد زاد بيه الضيمي خطي بزعل خطت تراها ايديني.