Заң күшіне енгелі «банкрот деп жариялауға көмектесетін» делдалдардың қарасы көбейді

«Банкрот деп жариялауға көмектесеміз». Соңғы бір аптада халыққа қызмет көрсету орталықтарында осындай көмек түрін ұсынатын делдалдар көбейген. Әсіресе Шымкент пен Тараз, Алматы мен Астанада пысықайлар банкроттықты рәсімдеуді бизнеске айналдырған. Азаматтар тегін қызмет түрін 3 мың мен 7 мың теңге арасында сатуда. Ал жалпы банкроттыққа өтініш беру басталған бір аптаның ішінде 14 мыңға жуық адамнан өтініш келіп түскен екен. Бұл Астананың халыққа қызмет көрсету орталығының бірі. Мұндағы адамдадың тең жартысы банкроттыққа өтініш беруге келгендер. Тура кіре берісте қандай мәселемен жүргеніңізді білгісі келіп, іші-бауырыңызға кіретін азаматтар қарсы алады. Барлығының айтары бір: «құжатыңызды бізге тапсырсаңыз болғаны, өзіміз барлығын реттеп банкроттық алып береміз» дейді. Біз бірден нұсқаған кеңсеге қарай бардық. Халыққа қызмет көрсету орталығынан алыста емес, шамамен жарты шақырым жерде мұндай қызмет көрсетететін компаниялар жағалай орналасыпты. 5000 мен 7000 теңге арасында сұраған ақшасын касса емес, конверт арқылы төлесеңіз болғаны, бір күнде азаматты банкрот деп танитындай барлық құжатын дайындап береміз дейді. Ал мемлекеттік кірістер комитеті тегін қызметті ақшаға сатқан алаяқтарға алданып қалмауға шақырады. Себебі қарызы 5 жарым миллион теңгеден аспайтын, басында мүлкі жоқ азаматтар онсыз да бұл қызмет түрін еш кедергісіз пайдаланады. Ал талапқа сай келмегенді базадан өткізіп жіберемін деу құр әурешілік дейді жауаптылар. Айнұр Сартаева, ҚР ҚМ Мемлекеттік кірістер комитеті басқарма басшысының орынбасары: – Негізінен банкроттыққа өтінім беретін азаматтардың басым бөлігінің қаржылық жағдайы онша жақсы емес қой. Онсыз да тегін көрсетілетін қызмет түрі болғандықтан, ол азаматтарға жүгінбей-ақ тегін түрде осы қызмет түрін алуға болады. Банкроттыққа өтініш беру басталғалғалы, яғни тура 1 аптаның ішінде 14 мыңға жуық адамнан өтініш келіп түскен. Барлық құжат дұрыс толтырылған күннен бастап 15 күн өткеннен кейін ресми жауап 1414 нөмірінен әр азаматқа хабарлама ретінде келеді. Бізді әлеуметтік желіде оқыңыздар: Youtube -   / @informburo31kanal   Facebook -   / informburo31   Instagram -   / informburo31   Vkontakte - https://vk.com/informburo31 TikTok - www.tiktok.com/@informburo31 WhatsApp Информбюро +7 777 331 31 31 #News #Kazakhstan #Жаңалықтар #Біздіңжаңалықтар #Нашиновости #Сегодня #Қазақстан #31канал