جراحة الجنين داخل الرحم لانقاذه من تضخم الكلي و المثانه

فيديو كامل للرحلة لانقاذ جنين داخل الرحم بفضل الله من الفشل الكلوي عبر اجراء تدخلات لحماية الكلي والمثانه داخل الرحم اثناء الحمل . طب اقولكم ايه غلب لساني وتعب وبدأت افقد الأمل . ( ما تجهضهوش عيالكم بمجرد حد يقولكوا مافيش امل ) ده مثال لأب محترم وزوجته طبيبه ليبيه قيل لهم ان جنينك فيه تضخم كبير في المثانه و تضخم في الكليتين و أن المية حوالين الجنين ناقصة جدا و الجنين ها يتولد الرئة مش ها تشتغل و الجنين مش ها يتنفس و قالولها ما نقدرش نعمل اي شيء و مافيش حل . ( طبعا ده سيناريو يومي بنشوفه وبنسمع عنه . العادي يقوم بعض مقدمي الخدمة الطبيه بأرسالها لمركز او مستشفيات معينه وبعدها الدكتور يقولها سقطي . طيب تقوله احنا سمعنا ان دكتور وائل البنا بيعمل العمليات دي و بيساعد اجنه . يقوم مأفف شويه وباصص في السقف و يقولها مافيش الكلام الفارغ ده الاطفال دي ما بتعيش ) يقوموا رايحين مسقطين ) الدائره دي احنا عارفينها كويس وللاسف في ناس بتشارك في التضليل ده عن عمد او عن عدم فهم الله اعلم . وشوفنا كده في حالات التوأم المتماثل اللي واحد فيهم بياخد دم التاني وواحد يكبر و التاني يصغر و بعدين يتوفوا يفضل بعض مقدمي الخدمة الطبيه يكذب علي الحاله ان ليس لها حل في مصر وبلاد العرب وهذا محض كذب والحالة بتتعالج في نص ساعة بالمنظار و بنحافظ علي الأجنه وكمان بندعي اي طبيب انه يحضر معانا الاجراء و يتأكد بنفسه من عمل الاجراء و بفضل الله بمنتهي الأمان . ) الحمد لله طبيبتنا و هذا الاب الكريم تقابلوا مع اطباء غاية في الاحترام في ليبيا وقالوا لهم الحل في مصر مع د وائل البنا . وانا بشكرهم من كل قلبي ( الاستشاري الدكتور علي الرابطي ) اللي لولاه ما كانت هذه الروح الجميله قدمت الي الحياة . اللهم اجعل هذه الروح شفيعا له ولنا يوم القيامه . اول خطوة هيه اهم خطوة قمنا بالتأكد ان الجنين غير مصاب بفشل كلوي وهذة هي اهم خطوة في التعامل مع المرض . وقمنا بأجراء عمليات متعددة للجنين داخل الرحم بحقن مياة حول الجنين لتساعد تكوين الرئة ومن ثم قمنا بسحب مياه من مثانة الجنين علي مرات مختلفة بمستشفي نسائم و التي اشكر فيها طاقم التخدير د خالد السماحي والدكتور سامح حسن ( تعب مع البيبي و هو بيتحرك وقت العمليه داخل الرحم ) . وتحسنت حالة الكلي والمثانة . وبعد الولادة قام طاقم حضانات مستشفي المقطم التخصصي بعمل عظيم بقيادة الدكتور احمد سعد استشاري طب الاطفال والدكتور مختار استشاري جراحة الاطفال والدكتور عبد الرحمن استشاري المسالك من مستشفي ابو الريش . بمتابعة كلية المولود و متابعة المثانة الا ان قام بسلام وبدون اي فتح جراحي تماما لهذا البطل الليبي المحارب ( محمد ) . انا معرفش امتي مقدمي الخدمة الطبيه ممكن يتأكدوا ان في حلول و موجوده وبنعملها بفضل الله و الاجنه بتعيش بكرم المولي حياة صحية زي اي طفل . طب الجنين مش محاضرات بتتسرق من بره وتنقال وكلام مالوش قيمه .. طب الجنين تدخلات واضحه علي اسس علمية تتطلب مجهود وادوات وتجهيزات وسنوات من الخبره في التدخل ونتائج حقيقه ملموسه وواضحه . واهم حاجه التدخل المبكر لانه بيحافظ علي الكلي و في حالات متلازمة انتقال الدم بين التوأم المتماثل بيحافظ علي الجنين وبيقلل من خطورة التأثير علي المخ و في حالة الفتق في العمود الفقري ( السبينا بيفيدا بيقلل من تركيب قسطرة في مخ الجنين بعد الولادة و بيدي فرصة افضل ان المولود يمشي ويتحرك بدل ما يتولد مشلول ) . انت عارف في كام روح دلوقتي معرضه لمصير الاجهاض الأن بالرغم انها تستاهل فرصة حقيقه للمحاربة عشانها وعشان تعيش بفضل الله في امان . الأمر يحتاج الي اسرة تقرر ان تكافح من ان اجل روح و وعي مجتمعي و اعلامي حقيقي وتثقيف للمجتمع ولكن للاسف الاعلام يسيطر عليه هجوم دائم وعدم تسليط لأماكن النور في مصر والعالم العربي الاعلام يهتم بالساندوتش الجملي ابو نص جنيه الطعم اللي علي العربيه و قصة نجاح شيماء و خناقات وطلاقات حتي صار المجتمع العربي خاوي الفكر واصبح الصحفي يتهافت علي الاخبار التفاهه والاخبار مدفوعة الآجر من قبل جحافل وجيوش من شركات السوشيال ميديا التي تتواطيء مع الصحف والمواقع لتسميم وتغذية المجتمع بما يريدون لترويج سلع وشخصيات و ماركات واراء وتوجهات . اللهم اجعل هذه الروح شفيعا لكل من ساعد في ان تأتي الي هذه الحياة . اللهم اجعلنا سببا للشفاء والسعادة دائما . #طب_الجنين #جراحة_الجنين #انسداد_قناة_مجري_البول_للجنين #د_البنا_مصر #من_في_الي_الخير #السياحة_العلاجيه_في_مصر #خليك_حقيقي للتواصل مع الدكتور عن طريق صفحة الفيس بوك الرسمية من خلال اللينك التالى   / drwaelelbanna   او التواصل من خلال الارقام التالية 00201222233336 او 00201064304411 https://drwaelelbanna.com/