National Children’s Hospital Pediatric Palliative Care, paano ito nakakatulong sa bata at magulang

Sa episode na ito kasama ang National Children’s Hospital o NCH ay pag-uusapan natin ang “Pediatric Palliative Care.” Marami ang nagkakamaling isipin na ito ay tungkol lamang sa paghihintay sa katapusan ng buhay. Ngunit ang katotohanan, ang Pediatric Palliative Care ay isang uri ng pangangalaga na nakatuon sa pagpapagaan ng sakit, pag-alis ng paghihirap, at pagbibigay ng emosyonal, espiritwal, at sikolohikal na suporta hindi lamang sa batang pasyente kundi pati na rin sa buong pamilya. Bagama't hindi madaling tanggapin ang ganitong sitwasyon, hindi rin ibig sabihin na nawawala na ang pag-asa. Ito ay maaaring magbago ng anyo, mula sa pag-asang gumaling, tungo sa pag-asang maging komportable ang bata, maging makabuluhan ang bawat araw na kasama siya, at maramdaman niyang siya ay minamahal hanggang sa bawat sandali.