DOMINIKA YA NNE YA KWARESIMA, MWAKA A: FR. KELVIN ONESMO MKAMA

Katika Injili ya Dominika ya 4 ya Kwaresima, Mwaka A wa Kanisa Bwana Wetu Yesu Kristo anasema "Mimi ni nuru ya ulimwengu". Katika kudhihirisha ukweli huo Bwana Wetu Yesu Kristo anamponya upofu mtu aliyezaliwa kipofu. Kristo amekuja kutupatia nuru sisi ambao ni vipofu wa roho: hatuoni ukweli, hatuoni mema na mazuri ya wenzetu, hatuoni mapungufu yetu, hatuoni shida na mahangaiko ya wenzetu. Tukifuata maagizo ya Kristo na amri zake tutapata nuru ya kweli katika maisha yetu. Bila Kristo ni giza tupu.