KAMALIG IPINAGMAMALAKI NG CLSU BILANG AGRI TOURISM SITE

KAMALIG IPINAGMAMALAKI NG CLSU BILANG AGRI TOURISM SITE Ipinagmamalaki ngayon ng Centra Luzon State University o CLSU ang Agri Tourism Farm na KAMALIG (Keeping A Modern Agricultural Landscape Through Integrating Clsu-Generated Technologies) na matatagpuan sa loob ng nasabing unibersidad sa Lungsod Agham ng Munoz, Nueva Ecija. Ayon kay Edgar Orden, Presidente ng CLSU, ang KAMALIG ay proyekto ng Central Luzon State University na idinisenyo upang ipakita ang mga teknolohiyang nabuo ng kanilang mga eksperto para sa mga magsasaka, mangingisda at sa mga komunidad. Sinabi rin ni Orden na naideklarang ng Department Of Tourism ang CLSU na Agri-tourism Site kaya nakatuon ang Unibersidad sa pagpapatampok ng teknolohiya sa Agrikultura. Pangarap nila aniya na ang KAMALIG ay maging sentro ng Agri Tourism at pananaliksik hindi lamang sa lalawigan ng Nueva Ecija kundi sa buong bansa. Ayon naman kay Armando Espino Jr, CLSU Vice President For Research And Extention, ang kamalig ay may lawak na 2 ektaya na mayroong Kural, Pulot Pukyutan, Saliksikan , Lambat Manggahan, Salakot, Agri-Tahanan, Tumana At Pinitak. Makikita rito ang mga makabagong pamamaraan sa agrikultura na ginawa ng Research and Development Center ng CLSU. Nagpapasalamat din si Orden kay Governor Oyie sa suporta lalo na sa turismo sa lalawigan. Sa huli sinabi niya na marami pa silang proyektong idaragdag sa KAMALIG. #####