Familja Pirini ne Bubq prej 10 muajsh ne cader: Kerkojne nga shteti rindertimin e shtepise

Familja Pirini në Bubq të Krujës mbeti e pastrehë nga tërmeti i 26 nëntorit.   Prej 10 muajsh 7 pjesëtarët e familjes janë vendosur në këtë çadër. Por moti i ftohtë e reshjet e shiut e vështirësojnë akoma më shumë jetesën sidomos për fëmijët e vegjël. Familja refuzon të largohet nga çadrat për tu strehuar në shtëpi me qira, pasi nuk pranojnë të lënë pas bagëtitë, të cilat janë e vetmja burim të ardhurash.  “I ftohti bën punën e vet, por në nuk kemi çfarë të bëjmë. Nuk jemi larguar pasi këtu kemi bagëtitë, s’kemi ku të shkojmë. Ne nuk duam atje, duam këtu. Jemi edhe të sëmurë”, tregon ajo. I zoti i shtëpisë kërkon nga autoritetet që ta ndihmojnë në rindërtimin e shtëpisë, pasi jetesa në këto kushte për të dhe familjen është papërballueshme. “Populli është në hall, tani dimri bën të vetën. Unë jam invalid, i sëmurë nga sytë dhe jetoj vetëm me paratë që marr nga invaliditeti”, tregon kryefamiljari. Biorni djali vogël i shtëpisë është i detyruar që mësimet ti bëjë në këtë çadër. Në Bubq dhe Mazhë janë shumë familje që prej lëkundjeve të forta të tërmetit jetojnë në çadra./abcnews.al/ Per informacionet me te fundit klikoni: Web: http://abcnews.al/ Facebook:   / abcnews.al   Instagram:   / abcnewsal   Subscribe kanalin tone ne: youtube:   / abcalbanian   #abcnews #abcnewsalbania