Kanye West në Tiranë, Rama: Një furi dhune dhe marrëzie u lëshua kundër një koncerti

Kryeministri Edi Rama në një video të postuar në rrjetet sociale, këtë të dielë, 12 korrik u ndal tek tema e shumëpërfolur e koncertit të Kanye West që u zhvillua ditën e djeshme në Tiranë. Rama u shpreh se një furi dhune dhe marrëzie u lëshua kundër një koncerti. “Mbrëmë Shqipëria nuk organizoi vetëm një koncert. Shqipëria organizoi një ngjarje. Që falë kanaleve sociale dhe famës globale të protagonistit, u bë në çdo cep të botës një lajm. Por në Shqipëri zakonisht këtë herë edhe më shumë se sa zakonisht, arsyeja dihet, ngjarja u bë një motiv i një ndasie shumë të egër. Ku një furi dhune dhe marrëzie u lëshua kundër një koncerti. U bë një jetë që sa herë jam përpjekur të bëj diçka të bukur, diçka ndryshe, diçka të re përmes projekteve publike kam dëgjuar të njëjtin refren. Populli s’ka bukë, nuk na duhen fasadat, pensionistët po vdesin, varfëria është në kulm, s’duam koncerte. Dhe pas klithmës së kundërshtisë fillojnë gjithmonë llogaritë absurde", tha Rama. Më tej Rama shtoi se koncerti i Kanye West la pas fitime për bizneset shqiptare si dhe krijoi vende pune. “Me kaq lekë, do merrte kaq ky. E me radhe e me radhë. Në pamje të parë kjo qasje, duket sikur ha debat. Dhe demagogët që mbushin pasqyrat e kanaleve sociale me qerret e verosura për popullin duket sikur po thonë diçka që bën sens. Por në të vërtetë përtej hipokrizisë së tyre që është marramendëse, ky është një keqkuptim themelor për mbi mnëyrën se si zhvillohet një vend. Dhe se si rritet një ekonomi. Sepse zhvillimi nuk është një bukë me një madhësi fikse ku çdo euro që ndahet për një koncert, i hiqet një pensionisti, i hiqet një të sëmuri apo i hiqet një nxënësi. Zhvillimi është aftësia për ta bërë bukën më të madhe që në ndarjen e saj e më pas të ketë më shumë për të gjithë. Dhe koha e ka treguar këtë qysh me Rilindjen Urbane, e cila ndryshoi energjinë e qyteteve dhe krijoi një reaksion zinxhir zhvillimesh shumë pozitive. Ku nga ngjyrat u kalua tek forma. Nga forma u krijua një zinxhir i ri zhvëllimor. U rrit konsumi, u rritën të ardhurat, u rrit punësimi dhe patjetër u rrit edhe ekonomia së bashku me pritshmëritë. Prandaj pyetja më e rëndësishme nuk është thjesht sa kushton? Por edhe sa vlerë krijon. Një shpenzim mbaron në çastin që ai bëhet. Ndërsa një investim vazhdon të prodhojë vlerë edhe pasi është bërë. Një koncert madhështor nuk lë pas vetëm një shenjë të bukur në kujtesën e atyre që e shijuan. Ai lë para në arkat e hoteleve të mbushura, të restoranteve plot, të kafeneve, të dyqaneve, të sipërmarrejeve që merren me transportin dhe patjetër të të gjithë atyre që bëhen pjesë e organizimit të tij. Ai krijon fitime për biznesin. Krijon mundësi pune për njerëzit e angazhuar, duke mbledhur gjithashtu të ardhura për shtetin përmes taksave”, shtoi Rama. Kryeminstri renditi edhe disa nga efektet negative sipas tij që do i ndodhnin Shqipërisë po të mos zhvillohej koncerti i Kanyë West. Sipas Ramës kjo do ndikonte më së shumti në turizëm por jo vetëm. “Një vendi i lirë dhe demokrati, ku s’duhet të kesh asnjë droje që të vish, të pushosh, të rikthehesh dhe të mendosh të investosh. Parafytyroni se si ka shkuar ky mesazh tek ata të huaj që kanë rezervuar të vijnë në javët e muajit në vijim dhe ndërkohë ishin duke menduar anulimin e rezervimeve për pushimet për shkak të protestës. Siç ndodhi në qershor, ku pas një maji fantastik, prurjet ranë duke goditur në fakt ekonominë e shumë familjeve që jetojnë me turizmin. Dhe merreni me mend tani se çfarë impakti negativ do të kishte anullimi i koncertit më të madh që Shqipëria ka organizuar ndonjëherë. Por jo vetëm për turizmin por edhe për investitorët e huaj. Sepse investimet e huaja nuk shkojnë thjesht aty ku ka ligje të favorshme dhe taksa konkuruese. Por shkojnë aty ku në radhë të parë ka besim, ka energji, ka reputacion, ka ambicie padyshim dhe ka një shoqëri që beson tek e ardhmja e vet dhe që ka guxim përditë të shohë të ardhmen”, tha Rama. SUBSCRIBE to "RTV KLAN" on YouTube for more videos! Për më shumë informacione vizitoni faqen tonë web https://tvklan.al/kategoria/klan-news/ Follow Klan News on Facebook:   / klannews   Follow @klannews on Instagram:   / tvklannews   #KlanNews #KlanNewsLajme #TvKlan