"ရွှေကီးက သူ့ကို ခိုးစားတယ်ပြောရင် စိတ်တွေဆိုးပြီး ရန်တွေ ပတ်တွေ့တတ်တယ်" - မစောပြည့်စံ

"ရွှေကီး ငယ်ငယ်တုန်းက ပုစွန်ခြောက် ခိုးစားလို့ ဆူတာကို ခိုးစားတယ်လို့ ပြောရမလားဆိုပြီး စိတ်တွေဆိုးပြီး သူက ရန်တွေ ပတ်တွေ့ခဲ့တာ၊ ခွေးတွေက သူ့ကိုလုပ်ရင်လည်း လာတိုင်တတ်တယ်" - မစောပြည့်စံ(ရွှေကီးလေးမေမေ) ------------------- "မမက ရခိုင်ဘက်တို့ ဘာတို့ကို ငယ်ငယ်က သွားခဲ့ရတော့ အဲ့ဒီကမိတ်ဆွေတွေက လာတဲ့အချိန်မှာ သူစားဖို့ဆိုပြီး ပုစွန်ခြောက်ဘူးကြီး ပေးတယ်။ ရွှေကီးက ဘူးလိုက်ကြီးကို ယူသွားပြီး ရှယ်ပလန်နဲ့ကို စားတာ။ အဲ့ဒီတုန်းက ငယ်ငယ်လေးပေါ့နော်။ အဲ့ဒါနဲ့ ပုစွန်ခြောက်တွေက ဈေးလည်း ကြီးတယ်၊ သူ(ရွှေကီး)နဲ့လည်း မတည့်ဘူးဆိုပြီး ဘူးကို စောက ယူလည်း ယူလိုက်ရော၊ သူ့ကြီးတော်ကိုရော စောကိုရော ရန်တွေ ပတ်တွေ့တာ။ အဲ့ဒီတုန်းက သူက နှစ်ထွာလောက်လေးပဲဆိုတော့ အမူအယာက အရမ်းကို ရယ်ချင်စရာပေါ့နော်။ သူ့ကို အဲ့ဒီလို မပြောနဲ့၊ သူ ခိုးစားတာ မဟုတ်ဘူးဆိုတဲ့ပုံစံနဲ့လေ နှုတ်ခမ်းလေးကို လှုပ်၊ ဖင်လေးကုန်းပြီး ရန်တွေ့တာ။ အိမ်ကခွေးလေးတွေနဲ့ ဆော့ရင်းပြုရင်းနဲ့ ခွေးသဘာ၀အရ နည်းနည်းနာလို့ သူ့ကို ရန်လုပ်လိုက်ရင်လည်း စောကို ရွှေကီးက လာတိုင်တာရယ်" - မစောပြည့်စံ(ရွှေကီးလေးမေမေ)