Tv Klan - Policia e Kosovës arreston “Rusin”

FSK marshon në Mitrovicë, reagon Beogradi Një ditë pasi përfaqësuesi i lartë i BE-së Josep Borreli dha sinjale se nuk mund të ketë pandëshkueshmëri për autorët e dhunës në veri policia e Kosovës ka arrestuar edhe një serb të dyshuar për përfshirje në rast të sulmit dhe rrezikimit të anëtarëve të KFOR-it në veri të Kosovës. I njohur me nofkat “Nemac” dhe “Rusi”, ai dyshohet se ka marrë pjesë në sulmin ndaj pjesëtarëve të KFOR-it më 29 maj. Ka reaguar ministri i Punëve të Brendshme i cili ka shkruar se kushdo që ka organizuar dhe ka qenë pjesë e sulmeve në veri do të sillet para drejtësisë. “Republika nuk trembet. Secili do të japë llogari për secilin krim. Do të vazhdojmë pa u ndalur, në luftë ndaj të gjitha bandave që kanë për synim terrorin ndaj qytetarëve tanë e destabilizimin e vendit tonë”, ka shkruar Sveçla. Ndërkohë që gjatë paradites së kësaj të premte regjimenti 3 i Forcave të Sigurisë së Kosovës  kreu një marshim 12 kilometra në Mitrovicë të Jugut. Përmes një njoftimi për media FSK bëri të ditur se bëhet fjalë për një stërvitje të programuar për të parë kondicionin e trupave ushtarake dhe se për këtë ka qenë njoftuar edhe komandanti i KFOR. Kjo ka nxitur reagime tek komandanti i forcave ushtarake serbe Milan Mojsiloviç, i cili në një konferencë të jashtëzakonshme për mediat ka bërë të ditur se ka informuar KFOR-in dhe ka kërkuar masa urgjente për “mbrojtjen e popullit serb në Kosovë”. Më herët gjatë natës dy sulme me bomba Molotov u shënuan në veri, ndërsa dy qytetar shqiptar janë rrahur nga një grup i të rinjve serb në veri. Autoritet janë duke u angazhuar  që sulmuesit të sillen para drejtësisë. Tv Klan SUBSCRIBE to “RTV KLAN” on YouTube for more videos! Email: [email protected] Për më shumë informacione vizitoni faqen tonë web https://tvklan.al/ Videot e fundit nga Tv Klan i gjeni në faqen https://tvklan.al/video/ Follow Tvklan on Facebook:   / tvklan   Follow Tvklan on Instagram:   / rtvklan   Programet e Tv Klan mund t’i ndiqni edhe në faqen https://tvklan.al/programe/