تدري بحالتي | سيد أحمد العلوي

موكب عزاء أهالي البحرين ليلة ١٨ صفر ١٤٤٥ هج الشاعر يونس عواچي الهندسة الصوتية رائد بوحسين انتاج الفردان ميديا كلمات القصيدة عمه انته تدري بحالتي وصبري وعذابي وغربتي دليني بگبور اخوتي أرد أبچي وارتاح غريبه وگلبي ذاب صبرت اعله المصاب ———————————— عمه ياعلي السجاد دليني المكان البي دفنت الغالي وديني بعجل راويني گبره وعنده خليني مشتاگه اشكثر لابن أمي تدريني ومشتاگه اشم عطر النحر واحچيله عن ضيم السفر تاليها خذني للگمر اليم النهر طاح وأگله بلا عتاب صبرت اعله المصاب ———————————— آنه الصابره وماعاتب اخواني ومصايب من بعدهم دهري راواني وي ذباّح اخوتي امشي خلاني أظن حگي امن اسولف واذكر احزاني ماعاتب اخواني أبد آنه الخذوني إل چم بلد مسبيه ماعندي أحد وحادينه ذبّاح الكفلني عني غاب صبرت اعله المصاب ———————————— من طيحة كفيلي وعزّي ماشوفه وآنه البالسّتر والهيبه معروفه خذوني ميسّره وبحبال مچتوفه من طف كربله ومشّونه للكوفه عن اخوتي شلون افترگ؟ بالعبرة صدري مختنگ وگلبي عليهم محترگ وحادي الضعن صاح ومشيت وراسي شاب صبرت اعله المصاب ———————————— مشينه وروس اخوتي گبالي مرفوعه وآنه اويه الحرم من كلشي ممنوعه إلدرب الشام رحنه وبالگلب لوعه ومن ضرب السياط چفوفي موجوعه محتاره والموقف صعب بين اليتامه وهالغرب كل ساعة بالسوط انضرب وآنه اسمع صياح تعبنا امن العذاب صبرت اعله المصاب ———————————— غصب عني دخلت بمجلس الأرجاس ويزيد الطاغي گلهم جيبو يمي الراس يريد اويّه الشماته ايذلني بين الناس من كرر سؤاله (وين اخت عباس)؟ بيدينه شايل عصّته يضرب اخويه بشفته وكلسا يكرر كلمته وين الأخو راح؟ صعب عندي الجواب صبرت اعله المصاب ———————————— جِرْحَت گلبي والله السفره لارض الشام هاي البيها شفنه أصعب الايام من ودّوني ويه العيله والأيتام عگب كل الجرى اعلينا بخرابة انّنام الغالي اللي گطعو منحره خجلانه أگله اعله الجره ماتت رقيتكم تره وتزيد الجراح شفتها اعلها التراب صبرت اعله المصاب ———————————— يونس عواچي