Türkiyə-İsrail hərbi qarşıdurması üçün yeni səbəb?

Hindistanla Pakistan savaş astanasındadır. Paylaşa bilmədikləri yenə Kəşmirdir. Hər iki ölkənin nüvə silahı var. Paksitanın müdafiə naziri də elə dünyaya bu xəbərdarlığı edir. Nüvə müharibəsi başlaya bilər. Kəşmir 70 ildən çoxdur Hindistan və Pakistan arasında mübahisə və müharibə mövzusudur. Hər iki ölkə müsəlmanların çoxluq təşkil etdiyi Kəşmirə iddialıdır. Kəşmirin bir hissəsinə Hindistan, bir hissəsniə Pakistan nəzarət edir. Regionun digər hissəsi isə Çinin nəzarətindədir. Çin Pakistanın ən yaxın müttəfiqlərindəndir. Hindistanı isə ABŞ dəstəkləyir. Yeni Dehli və Vaşinqton Pekinin regiondakı təsirini azaltmaqda maraqlıdır. Bu isə Hindistan-Pakistan qarşıdurmaının qlobal savaşa keçmək ehtimalını artırır. Digər ehtimal isə Türkiyə və İsrailin Suriyadan sonra indi də bu bölgədə üz-üzə gələ biləcəyidir. Paksitan Türkiyənin müttəfiqidir. İsrail isə Hindistanla tərəfdaşdır. Ekspertlərə görə, bu, Ankara və Təl-Əviv üçün növbəti güc nümayişi fürsəti ola bilər. Pakistan Azərbaycanın da ən yaxın müttəfiqidir. Vətən müharibəsi günlərində dost ölkənin siyasi dəstəyini unutmamışıq. Hindistan isə Ermənistanı dəstəkləyir və silahlandırır. Bu səbəbdən Bakının kimin yanında olduğu və olacağı aydın məsələdir. Bizi İzləyin: Whatsapp: https://whatsapp.com/channel/0029Va8Q... Facebook:   / ictimai.tv   Instagram:   / ictimaitv.official   Teleqram: https://t.me/tvictimai Sayt: https://itv.az/ Copyright © İCTİMAİ TV #itv #ictimaitv #video #televiziya #baku #videolar #sondakika #video #gündem #news #sondeqiqe #sondəqiqə #gündem #news #keşfet