Պարույր Սևակ «Քիչ ենք, բայց հայ ենք» Paruyr Sevak «Qich enq bayc hay enq»
«Քիչ ենք, բայց հայ ենք» Մենք քիչ ենք‚ սակայն մեզ հայ են ասում։ Մենք մեզ ո՛չ ոքից չենք գերադասում: Պարզապես մենք էլ պիտի ընդունենք‚ Որ մե՛նք‚ միայն մե՜նք Արարատ ունենք‚ Եվ որ այստեղ է՝ բարձրիկ Սևանում‚ Երկինքը իր ճիշտ պատճենը հանում: Պարզապես Դավիթն այստեղ է կռվել: Պարզապես Նարեկն այստեղ է գրվել: Պարզապես գիտենք ժայռից վանք կերտել‚ Քարից շինել ձուկ‚ և թռչուն՝ կավից‚ Ուսուցմա՛ն համար և աշակերտե՜լ Գեղեցկի՛ն‚ Բարո՛ւն‚ Վսեմի՛ն‚ Լավի՜ն... Մենք քիչ ենք‚ սակայն մեզ հայ են ասում: Մենք մեզ ոչ մեկից չենք գերադասում Պարզապես մեր բախտն ուրիշ է եղել‚- Պարզապես շատ ենք մենք արյուն հեղել. Պարզապես մենք մեր դարավոր կյանքում‚ Երբ եղել ենք շատ Ու եղել կանգուն‚ Դարձյա՛լ չենք ճնշել մեկ ուրիշ ազգի‚ Ո՛չ ոք չի տուժել զարկից մեր բազկի։ Եթե գերել ենք՝ Լոկ մեր գրքերով. Եթե տիրել ենք՝ Լոկ մեր ձիրքերով... Պարզապես մահն էր մեզ սիրահարվել‚ Իսկ մենք ինքնակամ նրան չենք տրվել։ Ու երբ ճարահատ մեր հողն ենք թողել՝ Ո՜ւր էլ որ հասել‚ որտեղ էլ եղել‚ Ջանացել ենք մենք ամենքի՛ համար. Շինել ենք կամուրջ‚ Կապել ենք կամար‚ Ամե՜ն տեղ հերկել‚ Հասցրել բերքեր‚ Ամենքի՜ն տվել մի՛տք‚ առա՛ծ‚ երգե՛ր՝ Պաշտպանել նրանց հոգևոր ցրտից‚- Ամե՜ն տեղ թողել մեր աչքից՝ ցոլանք‚ Մեր հոգուց՝ մասունք‚ Եվ նշխար՝ սրտից... Մենք քիչ ենք‚ այո՛‚ բայց կոչվում ենք հայ - Գիտենք դեռ չանցած վերքերից տնքալ‚ Բայց նոր խնդությամբ ցնծալ ու հրճվել. Գիտենք թշնամու կողը մխրճվել Ու բարեկամին դառնալ աջակից. Դուրս գալ մեզ արված բարության տակից՝ Մեկի փոխարեն տասն հատուցելով... Հօգուտ արդարի և արեգակի Գիտենք քվեարկել մեր կյանքով նաև... Բայց թե կամենան մեզ բռնի վառել՝ Մենք գիտենք մխա՛լ - և կրա՜կ մարել. Իսկ եթե պետք է խավարը ցրել՝ Գիտենք մոխրանալ որպես վառ կերոն. Եվ գիտենք նաև մեզ կրքոտ սիրել‚ Բայց ուրիշներին մի՜շտ էլ հարգելով... Մենք մեզ ոչ մեկից չենք գերադասում‚ Բայց մեզ էլ գիտենք - Մեզ հա՜յ են ասում։ Եվ ինչո՞ւ պիտի չհպարտանանք... Կա՛նք: Պիտի լինե՛նք: Ու դեռ - շատանա՜նք:
Հովհաննես Թումանյան «Մարոն» Կարդում է Սոս Սարգսյան Hovhanes Tumanyan «Maron»
Պարույր Սևակ /Պոեզիա /Կարդում է հեղինակը /1962
Մենք քիչ ենք, սակայն մեզ հայ են ասում- Պարույր Սևակ (32 թատրոն)
Mher Mkrtchyan"Mard el ka,mard el" Մհեր Մկրտչյան «ՄԱՐԴ էԼ ԿԱ, ՄԱՐԴ էԼ»
Շիրազի Հանճարեղ խելագարը։
Ինչու ՉԻ ԿԱՐԵԼԻ Օգնել Ուրիշներին. Քո Ամենամեծ Սխալը: Կայձեն Մեթոդ
ՊԱՐՈՒՅՐ ՍԵՎԱԿ ' ՔԻՉ ԵՆՔ, ԲԱՅՑ ՀԱՅ ԵՆՔ '
Պարույր Սևակ․ «Անլռելի զանգակատուն» Ղողանջ Եղեռնական / Դավիթ Հակոբյան
Menq qich enq sakayn mez hay en asum
Պարույր Սևակ «ՈՐԴՈՒՍ» Կարդում է Վլադիմիր Աբաջյան Paruyr Sevak «VORDUS»
Պարույր Սևակ «Մարդ էլ կա, մարդ էլ» Կարդում է Վլադիմիր Աբաջյան Paruyr Sevak «Mard el ka, mard el»
Կարդում է Սոս Սարգսյանը - Մարոն (Հ. Թումանյան)
ՊԱՐՈՒՅՐ ՍԵՎԱԿ "ՄԱՐԴ ԷԼ ԿԱ ՄԱՐԴ ԷԼ "
Harout Pamboukjian - Menq qich enq // Հարութ Փամբուկչյան - Մենք քիչ ենք
Պարույր Սևակ «ԱՌԱՋԱԴՐԱՆՔ ՀԱՄԱՅՆ ԱՇԽԱՐՀԻ ՀԱՇՎԻՉ ՄԵՔԵՆԱՆԵՐԻՆ»Կարդում է Վլադիմիր Աբաջյան
Hovhannes Tumanyan -Harachanq (Vladimir Abajyan)
Պարույր Սևակ. Միանգամից / Սամվել Թոփալյան
Հովհ. Շիրազ - Հանճարեղ խելագարը
Համո Սահյան. Ես այն եմ եղել, ինչ որ եղել եմ / Խորեն Լևոնյան
