BAKAID TANZANIA WAENDESHA MDAHALO KUHUSU UKATILI WA KIJINSIA MITANDAONI KATA YA MAHURUNGA MTWARA

BAKAID Tanzania ni shirika lisilo la kiserikali linalofanya kazi chini ya Baraza Kuu la Waislamu Tanzania (BAKWATA), kwa ufadhili wa Norwegian Church Aid (NCA), katika kutekeleza mradi wa kupinga Ukatili wa Kijinsia (Gender-Based Violence - GBV) pamoja na kuimarisha usalama na ustawi wa jamii. Mradi huu unatekelezwa katika Halmashauri tatu za Mkoa wa Mtwara ambazo ni Mtwara DC, Tandahimba DC na Nanyamba TC. Katika kila halmashauri, shughuli za mradi zinafanyika katika kata tatu, na kufanya jumla ya kata tisa zinazofikiwa na mradi. Shirika hilo limefanya Mdahalo wa kupinga ukatili wa kijinsia Mitanaoni, Uliofanyika katika Viunga vya Shule ya Sekondari Mahurunga Kata ya Mahurunga Halmashauri ya wilaya ya Mtwara siku ya June 16, 2026 ikiwa ni Sehemu ya kuadhimisha siku ya Mtoto wa Afrika. Kupitia ushirikiano na viongozi wa dini, viongozi wa serikali, wanawake, vijana na makundi mbalimbali ya kijamii, BAKAID Tanzania inaendelea kutoa elimu, kuhamasisha jamii na kuimarisha mifumo ya kuzuia na kukabiliana na vitendo vya ukatili wa kijinsia ili kujenga jamii salama, yenye usawa na haki kwa wote. SUBSCRIBE YOUTUBE CHANNEL YA FAIDA ONLINE TV ILI KUPATA HABARI ZETU.