بطانة الرحم المهاجرة| أهم (٥) معلومات عن أسبابها وأعراضها و تشخيصها| دـمحمدـالشريف

#بطانة الرحم المهاجرة #تأخر الحمل سيدات كتير بتسأل عن بطانة الرحم المهاجرة وفِي الغالب مش عارفين ايه هي الاعراض اللي تقلق، تتعالج ازاي؟ ، وسببها ايه؟ انا هاشرح لكم ببساطة كل حاجة عنها ليه اسمها بطانة الرحم المهاجرة؟ وإزاي بتأثر على الحمل؟ اسمها مرتبط بآلام بتحدث لكثير من السيدات، وحالة غير مفهومة من الإرهاق والتوتر واضطراب الهرمونات، لكن الأخطر من كدة هو أن بطانة الرحم المهاجرة سبب رئيسي في تأخر الحمل وإعاقة عملية الحقن المجهري، ولابد من معالجتها قبل إجراء العملية والتحضير للإنجاب. بداية..إيه هي بطانة الرحم؟ الرحم نسيج عضلي ممكن نقول عليه "عضلة الرحم"، عضلة لها تجويف يسمي تجويف الرحم وهو مغلف بأنسجة اسمها "بطانة الرحم"، أنسجة بتتجدد كل 28 يوم وبتنزل من عنق الرحم علي هيئة دم الدورة الشهرية. إمتى بيتقال عليها بطانة رحم مهاجرة؟ أحيانًا النسيج ده بيتواجد لسبب غير معروف بأماكن اخرى غير الرحم، زي المبيضين، قناة فالوب، المثانة، الحالب، الأمعاء والقولون. ولأن الأنسجة دي بتنزف زي أنسجة بطانة الرحم مع كل شهر، بتسبب أعراض مختلفة حسب أماكن تواجدها. الأعراض هي: -أكياس الشيكولاتة الدموية بالمبيض لو تواجدت بالمبيض وبالتالي بتأثر علي مخزونه من البويضات. -آلام شديدة أثناء الجماع ولو تواجدت على الحوض. -آلام أثناء البول أو البراز إذا تواجدت في المثانة أو القولون. -وأخيرًا بتسبب التصاقات في القنوات لو تواجدت فيها وتمنع حدوث الحمل. تشخيص وعلاج بطانة الرحم المهاجرة: لتحديد الطريقة المثلى لعلاج حالات هنسألك سؤالين: 1 - هل عندك رغبة بالحمل؟ 2 - إيه أكثر عرض بتشتكي منه مما سبق؟ لأن الرغبة في الحمل أو لا هي اللي بتحدد طريقة العلاج. ودرجة الالم بتحدد امتي نتدخل بالمنظار ؟ وبعدها بنقوم بتحديد درجة بطانة الرحم المهاجرة، وبنحدد امتى ممكن نعمل حقن مجهري وإيه هي العلاجات المناعية المناسبة، وإيه دور النظام الغذائي في كل حالة، وبنحدد إذا كان ممكن استخدام منظار البطن بالليزر لعلاج الألم، وأخيرًا كيفية الحفاظ علي مخزون المبيض في حالات تكون أكياس الشيكولاتة. #بطانه_الرحم_المهاجره #د_محمد_الشريف للتواصل مباشرة ٠١١١١٤٩٠٢٤١ WhatsApp للحجز ٠١١١١٢٠١١٣٠- ٠١٢٢٠١٤٣٢٢٢ ٨٧ ش المنيل، القاهرة 19 شارع الفيوم دار السلام