སྲིད་སྐྱོང་མཆོག་ལ་རྒྱ་ནག་གི་མི་རིགས་མཐུན་སྒྲིལ་ཡར་ཐོན་སྐུལ་འདེད་ཁྲིམས་ཟེར་བའི་ཐད་དྲི་བ་དང་དྲིས་ལན།

2026-06-26བོད་ཀྱི་གསར་འགྱུར། བོད་ནང་གི་གསར་འགྱུར། ༡) ཞིང་གཤེགས་སྤྲུལ་སྐུ་ཧཱུྃ་དཀར་རྡོ་རྗེ་མཆོག་གིས་བཙུགས་པའི་གངས་ལྗོངས་གནའ་དེང་ཤེས་རིག་སློབ་གླིང་ངམ་ཧྰུྃ་དཀར་རྡོ་རྗེ་མི་རིགས་ལག་རྩལ་སློབ་གྲྭ་རྒྱ་ནག་གཞུང་གིས་སྒོ་བརྒྱབ་པ། ༢) ཉེ་ཆར་གསར་དུ་བོད་རང་སྐྱོང་ལྗོངས་ཟེར་བའི་འཐབ་ཕྱོགས་གཅིག་གྱུར་ལས་ཁུངས་ཀྱི་འགོ་གཙོར་བསྐོ་བཞག་བྱས་པའི་ཚེ་རིང་ཐར་ནས་གཙུག་ལག་ཁང་དང་སེ་འབྲས་དགའ་གསུམ་དགོན་པར་རྟོག་ཞིབ་སྐབས་སུ་བོད་བརྒྱུད་ནང་བསྟན་དང་སྤྱི་ཚོགས་རིང་ལུགས་ཀྱི་སྤྱི་ཚོགས་དང་འཚམ་པོ་བྱེད་དགོས་ཚུལ་བསྐྱར་བརྗོད་བྱས་འདུག བཙན་བྱོལ་བོད་ཀྱི་གསར་འགྱུར། ༡) ༧གོང་ས་རྒྱལ་བ་རིན་པོ་ཆེ་མཆོག་གིས་རྒྱ་གར་དབུས་གཞུང་གི་གྲོས་ཚོགས་ལས་དོན་དང་གྲངས་ཉུང་མི་རིགས་ལྷན་ཁང་གི་བློན་ཆེན་སྐུ་ཞབས་ཀི་རེན་རེ་ཇི་ཇུས་(Kiren Rijiju)མཆོག་ལ་མཇལ་ཁ་བསྩལ་བ། ༢) སྲིད་སྐྱོང་སྤེན་པ་ཚེ་རིང་མཆོག་གིས་ལྡི་ལི་ནས་༸གོང་ས་རྒྱལ་བ་རིན་པོ་ཆེ་མཆོག་གི་རླབས་ཆེན་མཛད་འཕྲིན་གྱི་སྐུ་པར་འགྲེམས་སྟོན་དབུ་འབྱེད་གནང་བ། ༣) འཛམ་གླིང་མཉམ་འབྲེལ་རྒྱལ་ཚོགས་ཀྱི་ཆེས་མཐོའི་འགྲོ་བ་མིའི་ཐོབ་ཐང་ལྷན་ཁང་གི་འགན་འཛིན་གྱིས་རྒྱ་ནག་གི་མི་རིགས་མཐུན་སྒྲིལ་ཡར་ཐོན་སྐུལ་འདེད་ཀྱི་ཁྲིམས་ཡིག་ཕྱིར་འཐེན་དགོས་པའི་འབོད་སྐུལ་གནང་བ། རྒྱལ་སྤྱིའི་གསར་འགྱུར། ༡) ཉེ་ཆར་ཇར་མན་རྒྱལ་ཡོངས་སུ་ཆུ་ཚོད་གཉིས་ཙམ་ལྕགས་ལམ་འགག་པའི་རྐྱེན་གྱིས་སྲིད་དོན་ལས་རིགས་སྟེང་རྨང་གཞིའི་འཛུགས་སྐྲུན་ཐད་རྒྱ་ནག་གི་ཐོན་རྫས་བཀོལ་སྤྱོད་བྱེད་པ་བཀག་སྡོམ་གྱི་འབོད་སྐུལ་ཡང་བསྐྱར་ཡོང་གི་ཡོད། ༢) ཝེ་ནཱེ་ཛུ་ལ་(Venezuela)རྒྱབ་ཁབ་ནང་ས་འགུལ་ཚབས་ཆེན་ཐེངས་གཉིས་བསྟུན་མར་བྱུང་བའི་ཁྲོད་ཉུང་མཐའ་མི་གྲངས་དགུ་ལྷག་གི་ཚེ་སྲོག་ཤོར་བ་དང་ཤི་རྨས་ཀྱི་གྲངས་འབོར་མུ་མཐུད་དུ་འཕར་བཞིན་པ། དམིགས་བསལ་ལེ་ཚན། ཉེ་ཆར་བོད་མིའི་སྒྲིག་འཛུགས་ཀྱི་སྲིད་སྐྱོང་སྤེན་པ་ཚེ་རིང་མཆོག་ཨ་རིའི་རྒྱལ་སར་གཞུང་འབྲེལ་གཟིགས་སྐོར་ལ་ཕེབས་སྐབས་།རྒྱལ་སྤྱིའི་བོད་ཀྱི་གསར་འགོད་སྒྲིག་འཛུགས་ཀྱིས་བཀོད་སྒྲིག་བྱས་པའི་གསར་འགོད་ལྷན་ཚོགས་ཐོག་སྲིད་སྐྱོང་མཆོག་ལ་རྒྱ་ནག་གི་མི་རིགས་མཐུན་སྒྲིལ་ཡར་ཐོན་སྐུལ་འདེད་ཀྱི་ཁྲིམས་ཟེར་བའི་ཐད་ཕུལ་བའི་དྲི་བ་དང་དྲིས་ལན།