रिधु अम्बा सासरिये ने सिधावे।।RIDHU AMBE SASRIYE SIDHAVE||CHIRJA||

।।चिरजा।। रिधु अम्बा सारसरिये ने सिधावे। म्हाने ओल्यू घणेरी आवे।।टेर।। अम्बे माँ फरकत होठ निहारे फिर आंगण माही आवे। डब डब नैंण कोर सु आँसू, ढलक-ढलक ढलकावे।।1।। मातर तात निहारे मुखड़ों लेकर कंड लगावे। अनहद लाड़ उमड़े हिवडो आंसू छल-छल आवे।।2।। काकी भाभी बहन भुवावा आँगन थाट थटावे। गदगद कंठ ऊंच सुर गहरे गीत झेरावा गावे।।3।। संखिया सारी ठुल-ठुल मिल आंगणीये में आवे। ऊंची चढ़कर पंथ निहारो बहतो रथ बतलावे।।4।। विरंगी गोर बाछड़ा बिलखा इत उत कान उठावे। गाया बिलखी हुरक कर बाखल मांही आवे।।5।। लागे आज अडोलो आँगन बाखल बिरंगी बतावे। रिधु बिना है बिरंगो रसोडो जुगत सु कौण जिमावे।।6।। आंगण बार ओलंगे ढ़ोलो घुड़लो ग्वाड़ घिरावे। कड़िया कथी प्रीत पीहर री सोहन गाय सुनावे।।7।। ।रिधु अम्बे सासरिये ने सिधावे।