Zbardhet dinamika e masakres se Velipojes

Klan News zbardh dosjen hetimore, Kujtim Verracaku u vra sapo foli Klan News ka zbardhur dosjen e masakrës së Velipojës, ku pas sherrit për shfrytëzimin e një pjesë rërë në plazh mbetën të vrarë, Kujtim Verracaku, vëllezërit Xhovani dhe Edmond Gocaj si dhe Musaen Zeneli. Nga dëshmitë e marra rezulton se anëtarët e familjes Verracaku, kanë shkuar tek hoteli i vëllezërve Gocaj, dhe pas një debati të ashpër kanë qëlluar me armë. Sipas dosjes hetimore, dhe dëshmive të personave prezent, mesnatën e 26 Qershorit, Hasan Verracaku me persona të tjerë nga fisi i tij kanë shkuar tek lokali i djemve të Pjetrit disa metra me tutje lokalit të tij për tu sqaruar dhe është ulur në tavolinë me njërin prej djemve Gocaj dhe pasi kanë biseduar ka krisur arma. Në dosje thuhet se një nga vëllezërit Gocaj ka qëlluar me automatik drejt Kujtimit, ndërsa ky i fundit i është kundërpërgjigjur me pistolete dhe i është hedhur dhe ka kapur armen automatik të djalit të Pjetrit. Organi i akuzës shprehet se sipas dëshmive, armë kanë pasur Kujtimi, Hasan dhe Abedin Ferracaku, kurse pala tjetër ka pasur automatik. Ndërsa në vendin e ngjarjes policia ka gjetur në tarracën e hotel Gocaj një armë zjarri tip pistoletë dhe tre fishekë. Deri më tani mungon arma tip automatik që është shkrepur në vend ngjarje. Po ashtu është sekuestruar edhe një pistoletë tip T-T. Në pyetje është marrë dhe 17-vjecari Elmedin Dyli, i cili ka deklaruar se po pinte kafe dhe ka dëgjuar se kishte një debat tek lokali ngjitur. Në këtë kohë, sipas tij ka shkuar Kujtimi, gjyshi i tij dhe u është drejtuar Gocajve me fjalët, “janë marrë këto, kush jeni ju”. Sipas të miturit, aty janë dëgjuar të krisma armë që i kanë ardhur në krah nga pas tij dhe ka parë që Kujtimi është rrëzuar në tokë, aty kanë filluar edhe të shtëna me armë zjarri të tjera. Të enjten gjykata e Shkodrës, la në arrest me burg pa afat Hasan Verracakun dhe Elmedin Dylin. Kjo masë sigurie u kërkua nga prokurorja Shqiponja Milla, dhe u konfirmua nga gjyqtari Besmir Stroka. Klan News SUBSCRIBE to "RTV KLAN" on YouTube for more videos! Për më shumë informacione vizitoni faqen tonë web https://tvklan.al/kategoria/klan-news/ Follow Klan News on Facebook:   / klannews   Follow @klannews on Instagram:   / tvklannews   #KlanNews #KlanNewsLajme #TvKlan