“Hakmarrja për drejtësi”, shkarkohen 5 punonjës të Policisë së Vlorës (7 Nëntor 2003)

Lajme Arkiva 2003 “Hakmarrja për drejtësi” pret koka edhe në Policinë e Vlorës. Zëvendës Ministri i Rendit Publik, Igli Toska ka firmosur sot shkarkimin e 5 punonjësve të policisë të këtij qyteti mes të cilëve është edhe motra e atin Arapit të arrestuar si vrasës i shoferit të Prokurorit të Përgjithshëm, Genci Sina. Ndërsa tre të tjerët të cilët janë edhe oficerë janë specialistë të kontrollit të brendshëm në këtë drejtori. I fundit është shefi i kriminalistikës në Vlorë Xhevair Aliaj. Florion Seriani: Është vendosur përjashtimi nga strukturat e Ministrisë së Rendit Publik dhe radhët e Policisë së Shtetit të: 1. Kryeinspektor Robert Spiro Kola, shef i zyrës së shërbimit të kontrollit të brendshëm në Drejtorinë e Policisë së Qarkut Vlorë me motivacionin për shkelje të përsëritura të disiplinës në punë. 2. Kryeinspektor Agron Nasip Tozaj inspektor i zyrës së kontrollit të brendshëm në Drejtorinë e Policisë së Qarkut Vlorë me motivacionin për shkelje të përsëritura të disiplinës në punë. 3. Kryeinspektor Llazar Koli Mino, specialist në zyrën e personelit në drejtorinë e policisë Vlorë me motivacionin për shkelje të normave të detyrës me pasojë shkaktimin e një dëmi ndaj një institucioni të policisë. 4. Asistente Tereza Dolor Arapi laborante në laboratorin rajonal të policisë shkencore në Drejtorinë e Policisë Vlorë me motivacionin për pranim në polici në kundërshtim me kriteret e vendosura në ligj. Ndërkohë edhe shefi i laboratorit qendror i kriminalistikës Vladimir Ikonomi ja ka lënë vendin Luan Veliqotit. Ministria e Rendit Publik do të kërkojë ndihmën e telefonisë celulare për të verifikuar lidhjet e punonjësve të saj me krimin e organizuar./tvklan.al SUBSCRIBE to “RTV KLAN” on YouTube for more videos! Për më shumë informacione vizitoni faqen tonë web https://tvklan.al/ Videot e fundit nga Tv Klan i gjeni në faqen https://tvklan.al/video/ Follow Tvklan on Facebook:   / tvklan   Follow Tvklan on Instagram:   / rtvklan   Programet e Tv Klan mund t’i ndiqni edhe në faqen https://tvklan.al/programe/