BINTI WA KIDATO CHA KWANZA SEKONDARI YA NANYAMBA AOLEWA

Binti wa Miaka Kumi na Sita mkazi wa kijiji cha Shaba kata ya Mtimbwilimbwi, ambaye ni mwanafunzi wa Kidato cha kwanza katika Sekondari ya Nanyamba Mkoani Mtwara, ameolewa na kijana aliyefahamika kwa majina ya Hamisi Chiwadi, mkazi wa Charambe jijini Dar es Salaam.   Tukio hili linakuja ikiwa ni siku Nne baada ya kupita kilele cha siku 16 za kupinga ukatili wa kijinsia na ukatili dhidi ya watoto Desemba 10 mwaka huu, ambapo mkoa wa Mtwara ulihitimisha maadhimisho hayo katika halmashauri ya Mji wa Nanyamba, na kubainika matukio 395 ya ukatili.   Ndani ya kijiji cha Shaba katika halmashauri hiyo, Ramadhan Machapa na Mwajuma Chilungu, ambao ni wazazi wa binti wa kidato cha kwanza katika sekondari ya kutwa ya Nanyamba, wanaamua kumuozesha binti yao huyo kwa Hamisi Chiwadi, aliyewakilishwa kwenye ndoa hiyo na Ramadhan Lingwala. USIACHE KU SUBSCRIBE YOUTUBE YETU Khomein Tv