【 #更生同行 | 破困局共前行．為破碎家庭重燃生命希望 】

「父在囚，母猝死，三歲女伴屍四日……」女童伴屍事件轟動一時，亦令到無數人痛心落淚，而呢份震撼同心酸，同樣深深觸動到我哋懲教人員嘅心。 當時身處 #赤柱監獄 嘅在囚人士阿清（化名），正正係事件中女童嘅爸爸。面對突如其來嘅噩耗同家庭巨變，阿清整個人陷入咗崩潰同絕望嘅邊緣。幸好當時院所嘅懲教人員及時察覺到佢嘅異樣，主動關懷及了解情況，並即時作出跟進。 為咗幫阿清喺絕望中重拾曙光，多個單位瞬即展開緊急協調，全力協助處理外出許可，令阿清最後得以出席喪禮，送別太太最後一程；同時透過 #更生伙伴 #善導會 喺院所舉辦嘅「#藍巴士賽馬會結伴成長計劃」，幫呢對父女重建破碎嘅家，讓阿清得以重新負起做爸爸嘅責任，一點一滴咁去修補同女兒嘅關係，為彼此嘅生命重新點燃希望之餘，亦大大強化阿清改過自新嘅決心💝✨。 「喺獄中見返個女，聽到佢叫我一聲：『爸爸』，彷彿令我由十八層地獄上返嚟地面。我好珍惜每次見面嘅機會，每一下擁抱，每一次睇住佢笑，都係得來不易。女女係我心中嘅太陽。」 今次小編團隊特別走訪咗多個協作單位及人員，仲有阿清，並將呢個真實故事攝製成片，趁住今日 #六一國際兒童節 同大家分享，希望令更多人關注兒童嘅福祉，同埋了解當中呢份「#亦懲亦教」嘅關愛：「我哋一直秉持以生命改變生命，及時伸出援手，或許能夠改變一個人嘅下半生、佢哋嘅家庭，甚至下一代。當在囚人士感受到你真誠嘅協助，佢哋就會有動力去改過，從善如流，去愛惜自己同身邊嘅人。」 📲立即觀看影片，感受呢份雙向奔赴嘅改變力量🫶。 #懲教署 #CSD #更生同行 #赤柱監獄 #更生事務組 #六一國際兒童節 #心中太陽