زينب غريبة | الملا حاتم العبدالله | المنتجبة 6

زينب غريبه شهادة السيدة زينب عليها السلام 1446 هـ / 2025 م برنامج المنتجبة العزائي السادس الملا حاتم العبدالله الشاعر : محسن آل سليس مكساج وتوزيع : حسن حريري تسجيل الصوت : حسين الدار مونتاج : السيد محمد السادة تصوير : سلمان الغزوي محمد العبدالكريم علي الرمضان صالح الحسين حسين الحسين علي حسين الشافعي عبدالله السيهاتي مجلس الحاج بوشهيد إنتاج : مأتم شباب ائمة البقيع عليهم السلام يهدى ثواب هذا العمل إلى روح المرحومين حسين البراهيم و لميعة العويشير وإلى ارواح المؤمنين و المؤمنات فوگ الهزل ركْبوني … بيدي الحبل چتفوني و ابلا ولي مشّوني ———- انهض يخويه بوالفضل … يا كافلي بيدي الحبل ترضاها لي اركب هزل … و الله عجيبه منّ التعب حيلي انهدم … امن الشوك جدمي كله دم و ما غفت عيني امن الالم … و منّ المصيبه راح امشي خويه بالسبي … مو بالحجاب الزينبي و يحدي بضعوني الاجنبي … اختك غريبه گوم انظر الاحوالي … اهل الغدر تبرالي ابكثر الضحك آذوني .. وابلا ولي مشوني ------- آنه العزيزه أم الخدُر … أم الحجاب أم الستُر امشي و يرافگني الشمُر … صعبه عليه ما شافوا ابداً ظل الي … بصفّي مشه المو من هلي و يدريني بت حيدر علي … و امي الزچيه يذبحني خويه ابنظرته … و كلها شماته مشيته ظهري انكسر من كلمته … مالچ حميه ما تنوصف آلامي … اهوايه بشر گدامي خويه ابحقد شتموني .. وابلا ولي مشوني ---- ابراس الرمح راسك غده … ايشوف الجرالي امن العده ايسحبوني و آنه امگيّده … اختك ذليله ارزگ من السوط المتن … ايضربوني اكثر لو اون شينشّف ادموع الجفن … اليجرح مسيله ما تطفه نيران الگلب … انزف دمه ابكثر الضرب و تشمت علي خويه الغرب … و انه العقيله توه الگلب احزانه … و اهل الغدر طربانه خويه ضرب شبْعوني .. وابلا ولي مشوني ----- طبيت للكوفه ابدمع … ابسوگ اوْگفت بين الجمع اشگد انكسرت ابهالوضع … و مهبطه راسي ابهالديره چنت امدللـه … جيت الها بيدي السلسله اخذت مصيبة كربله … اعز ناسي تتصدّق اعليه البشر … مكسوره و المدمع نهر نخّيت بس محّد حضر … وينه حرّاسي مثل الجمر دمعاتي … و تحرگ الي وجناتي بالذل وسف وگْفوني .. وابلا ولي مشوني المتعوده قرآن او ذكُر … تدخل مجالس للخمر تمنيت يفنه هالعمر … او لا دخلوني مَضرب مثل آنه چنِت … ابمجلس لهو تالي اوْگفت اهوايه يخويه اتألمِت … من وگّفوني ادري طويله رحلتي … و توها بداية ذلتي و الشام باچر دخلتي … تعمي اعيوني بين الضلوع الحسره … و ما عندي غير العبره كل الاهل عافوني … وابلا ولي مشوني محسن سليس