Жибек Орозбекова - 13 - Адамдын жеке жана үй-бүлөлүк укугу

Жеке жана үй-бүлөлүк жашоого болгон адам укугу тууралуу кезектеги видеолекциянын уландысы. Бул укук адамдын табыгий жана негизги укуктарынын бири деп саналат. Үй-бүлө - коомдун негизи. Ал- бүткүл коомдун камкордугунун жана айрыкча мыйзамдык коргоонун жүйөсү. Үй-бүлө мамилелерин жөнгө салуу ыктыярдуу негизде жана никелешкен адамдардын өз ара макулдугунун, жубайлардын үй-бүлөдөгү укуктарынын теңдигине, баланын эң жакшы кызыкчылыктарын камсыз кылууга, балдарды үй-бүлөдө тарбиялоого артыкчылык берүүгө, алардын бейпилдигине жана өсүп-жетилишине камкордук кылууга, үй-бүлөнүн жашы жетпеген жана эмгекке жарамсыз мүчөлөрүнүн укуктарын жана кызыкчылыктарын камсыз кылуу принциптерине ылайык жүзөгө ашырылат. Бул ирет адамдын жеке жана үй-бүлөлүк жашоосу, адамдын үй-бүлө куруу жана үйлөнүү маселелери талдоого алынат.