राजर्षी शाहू महाविद्यालयाची अकरावी प्रवेश प्रक्रिया सुरू

लातूर : राज्यातील अकरावीच्या केंद्रीय ऑनलाइन प्रवेश प्रक्रियेला वेग आला असून विद्यार्थ्यांना पहिल्या गुणवत्ता यादीच्या आधारे प्रवेश दिले जात आहेत. राज्यभरातील हजारो विद्यार्थ्यांनी पहिल्या फेरीत प्रवेश निश्चित केला आहे लातूरमधील शैक्षणिक क्षेत्रातील अग्रगण्य राजर्षी शाहू महाविद्यालय येथेही इयत्ता अकरावीच्या प्रवेश प्रक्रियेला सुरुवात झाली आहे. विज्ञान, वाणिज्य आणि कला शाखांसाठी विद्यार्थी व पालक मोठ्या प्रमाणात महाविद्यालयात येत आहेत. महाविद्यालय प्रशासनाकडून विद्यार्थ्यांना आवश्यक कागदपत्रांसह वेळेत प्रवेश प्रक्रिया पूर्ण करण्याचे आवाहन करण्यात आले आहे. पहिल्या फेरीतील प्रवेश सुरू असून दुसरी फेरी ६ जूनपासून सुरू होणार आहे. त्यामुळे ज्या विद्यार्थ्यांना पहिल्या फेरीत प्रवेश मिळाला नाही किंवा प्रवेश निश्चित करता आला नाही, त्यांना दुसऱ्या फेरीत संधी उपलब्ध होणार आहे. लातूर पॅटर्नसाठी प्रसिद्ध असलेल्या राजर्षी शाहू महाविद्यालयाकडे दरवर्षी राज्यभरातील विद्यार्थ्यांचा मोठा कल असतो. त्यामुळे प्रवेश प्रक्रियेबाबत विद्यार्थी आणि पालकांमध्ये उत्सुकता पाहायला मिळत आहे.