Khit Thit Morning News | March 29, 2026

Khit Thit သတင်းဌာန၏ မတ် ၂၉ ရက် မနက်ပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ မတ် ၂၉ ရက် မနက်ပိုင်း တင်ဆက်ပေးမယ့် သတင်းတွေကတော့ -အကြမ်းဖက် စစ်တပ်ရဲ့ ပြန်ကြားရေးအဖွဲ့ခေါင်းဆောင် ဗိုလ်ချုပ် ဇော်မင်းထွန်း ဟာပြည်သူ့ ဆက်ဆံရေးနှင့် စိတ်ဓာတ်စစ်ဆင်ရေးတပ်ဖွဲ့ရဲ့ ညွှန်ကြားရေးမှူးရာထူးကနေ အနားပေးခံ လိုက်ရပြီး ပြန်ကြားရေးဒုဝန်ကြီးအဖြစ် ဆက်ရှိနေပေမယ့် ရုံးနဲ့အခမ်းအနားတွေမှာ မတွေ့ရတော့ဘူးလို့ စစ်တပ် ပြန်ကြားရေးဝန်ကြီးဌာန သတင်းရင်းမြစ်က ရန်ကုန်ခေတ်သစ်ကိုပြောပါတယ်။ တနင်္သာရီတိုင်း၊ သရက်ချောင်းမြို့နယ်မှာ အကြမ်းဖက် စစ်တပ်နဲ့ တော်လှန်ရေးတပ်တွေအကြား တိုက်ပွဲတွေ ဆက်လက်ပြင်းထန်နေပြီး စစ်တပ်က မြို့ပေါ် လုံခြုံရေးကိုပါ စိုးရိမ်နေတဲ့အတွက် ထားဝယ်ဘက်ကနေ စစ်ကူ အမြောက်အများ ပို့ထားရပြီး မြို့ပတ်ပတ်လည်ကိုလည်း တပ်ဖြန့်ပြီးတော့ ကာထားရတဲ့ အခြေနေဖြစ်နေတယ်လို့ သိရပါတယ်။ မကွေးတိုင်းက မြို့သစ် နဲ့ နတ်မောက်မြို့နယ်မှာ အကြမ်းဖက် စစ်တပ်နဲ့ ပူးပေါင်းပြီး လူငယ်တွေကို ပေါ်တာဆွဲ ဖမ်းဆီးရာမှာပါဝင်တဲ့ စိုက်ပျိုးရေးဌာန အငြိမ်းစား အရာရှိ အောက်သိုက် နဲ့ ပျူစောထီး ၁ ဦးတို့ကို တော်လှန်ရေးတပ်တွေက အရှင်ဖမ်းဆီရမိထားတယ်လို့ သိရပါတယ်။ အရှေ့အလယ်ပိုင်းက အီရန်စစ်ပွဲမှာ အမေရိကန်နဲ့ အစ္စရေးက အီရန်နျူကလီးယားစက်ရုံတွေကို တိုက်ခိုက်လိုက်ပြီး အမေရိကန်နိုင်ငံခြားရေးဝန်ကြီးမာကိုရူဘီယိုက လာမည့် ၂ ပတ်အတွင်း စစ်နိုင်ပြီလို့ ကြွေးကြော်ထားတဲ့ သတင်းအပါအဝင် မနက်ခင်းသတင်းတွေကို တင်ဆက်ပေးပါမယ်။