RAIS MWINYI ACHEKA KWA KISHINDO WETE PEMBA BAADA YA KUJIZOLEA KADI ZA ACT KWA MKONO WAKE

RAIS MWINYI MKUTANO CCM MKOA KASKAZINI PEMBA (HABARI RAIS MWINYI MKUTANO CCM MKOA KASKAZINI PEMBA) RAIS MWINYI:TUMEAZIMIA KUIFUNGUA PEMBA KIUCHUMI Makamu Mwenyekiti wa CCM Zanzibar, Rais wa Zanzibar na Mwenyekiti wa Baraza la Mapinduzi Mhe, Dk.Hussein Ali Mwinyi ameeleza kuwa Serikali imeazimia kuifungua Pemba kiuchumi kwa kutekeleza ujenzi wa uwanja wa ndege wa Pemba , barabara za kutoka Chake hadi Mkoani, Chake hadi Wete, na bandari ya Wete, Shumba Mjini na Mkoani . Dk.Mwinyi ameyasema hayo leo tarehe: 21 Agosti 2024 alipozungumza na Wajumbe wa Kamati za Siasa za Halmashauri kuu ya CCM ngazi ya Tawi, Wadi , Majimbo,Wilaya na Mkoa katika ukumbi wa Baraza la Wawakilishi Wete, Mkoa wa Kaskazini Pemba . Aidha Dk.Mwinyi amewahimiza wanachama wa CCM kuhubiria amani, umoja, mshikamano pia alitumia fursa hiyo kuwahamasisha wajitokeze kwa wingi katika kujiandikisha katika Daftari la Kudumu la kupiga kura mwakani. Rais Dk.Mwinyi amesema ametekeleza vema ilani ya uchaguzi ya CCM 2020-2025 kwa kuvuka malengo ya ilani hiyo katika sekta mbalimbali ikiwemo elimu, afya, barabara, masoko n.k. Halikadhalika Dk.Mwinyi ameeleza kuwa CCM itashinda kwa kishindo mwaka 2025 kwa sababu imetekeleza vema ilani na kuvuka malengo kwa walioyaahidi wananchi. Vilevile Dk.Mwinyi amesema awamu mpya ya mwaka 2025-2030 kasi ya maendeleo ya Zanzibar itakuwa ya hali ya juu. Dk.Mwinyi amesema Serikali kumaliza changamoto za miradi ya umeme na maji kipindi kilichobaki pamoja na kutekeleza ahadi zote zilizoahidiwa wakati wa kampeni za mwaka 2020. Kwa upande mwengine Makamu Mwenyekiti wa CCM Zanzibar, Dk. Hussein Ali Mwinyi, amewapokea wanachama 85 kutoka Chama cha ACT Wazalendo Pemba walioamua kujiunga na Chama Cha Mapinduzi.