Шантаж кылып $610 миң доолабагыла, чындык мындай... Сагындык Келдибаев жээндерине жооп берди

Бул ирет биз таеке-жээндердин ортосундагы акча чырынын чоо-жайын тактоого аракет кылабыз. Буга чейин Марат, Самат Рысбаев атуу бир туугандар Жогорку Кеңештин экс-депутаты Сагындык Келдибаев баласы экөө 610 миң долларын бербей качып кеткенин айтышкан. Бирок Келдибаев муну төгүндөп, жээндери жалаа жаап жатканын билдирди. Экс-депутат “мени негизсиз айыптап жатышат, иштин чоо-жайын түшүндүрүп берейин” деп биздин каналга кайрылды. Учурда ал Америкага жүргөндүктөн онлайн режиминде маектештик. Келдибаев "биздин эсеп боюнча 226 миң доллар, ал сумманы берейин десек албай жатышат, онлайн түрүндө беттешип такташалы десек ага да көнүшкөн жок. Анткени булар башкаларга ири суммада карыз болуп калып, мени пайдаланып жатышат", деди. Ал эми жээндери 610 миң доллар беришин талап кылып, арыз жазып уулу экөөнө эл аралык издөө жарыяланган. Экс-депутат бул ишке тиешеси жоктугун Марат менен Самат анын уулу Сыймык менен жашыруун иштешкенин айтууда. "Ошондо дагы 20 жаштагы студент баланын башын айландырып процентке акча берип, көп карызга киргизип жиберген" дейт. Алар 610 миң долларды каяктан таап, кантип беришкен?