દર્શક ફાઉન્ડેશનની આ પ્રવૃત્તિઓ વિશે જાણશો તો ગૌરવ અનુભવશો | Ramesh Tanna | Navi Savar

ગુજરાતમાં વિવિધ ક્ષેત્રોમાં અપાતા એવોર્ડમાં દર્શક ફાઉન્ડેશનના એવોર્ડ ઘણા પ્રતિષ્ઠિત છે. મનુભાઈ પંચોળી ‘દર્શક’ ફાઉન્ડેશન ગુજરાતના પ્રખર સાહિત્યકાર, શિક્ષણવિદ્ અને ગાંધીવાદી વિચારક મનુભાઈ પંચોળી ‘દર્શક’ની સ્મૃતિમાં સ્થાપિત એક પ્રતિષ્ઠિત સંસ્થા છે. ફાઉન્ડેશનનો મુખ્ય હેતુ સાહિત્ય, શિક્ષણ, ગ્રામ વિકાસ અને સમાજસેવાના ક્ષેત્રોમાં નોંધપાત્ર કાર્ય કરનાર વ્યક્તિઓ અને સંસ્થાઓને પ્રોત્સાહન આપવાનો છે. ફાઉન્ડેશન 1992થી સક્રિય છે. મનુભાઈ પંચોળીનાં જીવનમૂલ્યો—શિક્ષણ, ગ્રામપુનરુત્થાન, ઇતિહાસચિંતન અને માનવતાવાદ—ને આગળ વધારવાનો તેનો મુખ્ય ધ્યેય છે. સાહિત્ય, શિક્ષણ અને ગ્રામ વિકાસ ક્ષેત્રે વિશિષ્ટ યોગદાન આપનાર વ્યક્તિઓ અને સંસ્થાઓને એવોર્ડ અર્પણ કરાય છે તો મનુભાઈ પંચોળીના વિચારો અને સાહિત્યના પ્રસાર માટે વ્યાખ્યાનો, પરિસંવાદો અને ચર્ચાસત્રોનું આયોજન થાય છે. આ ઉપરાંત ઇતિહાસ અને સમાજજીવન અંગે અભ્યાસ અને પ્રકાશનોને પણ પ્રોત્સાહન અપાય છે. સંસ્થાના ટ્રસ્ટી શ્રી સંજયભાઈ ચૌધરી સાથે આ અંગે નવી સવારે ચર્ચા કરી છે. Among the awards presented in various fields across Gujarat, the awards conferred by the Manubhai Pancholi ‘Darshak’ Foundation are regarded as some of the most prestigious. The foundation is a distinguished institution established in memory of the eminent Gujarati litterateur, educationist, and Gandhian thinker Manubhai Pancholi ‘Darshak’. Its primary objective is to encourage and honor individuals and organizations that have made significant contributions in the fields of literature, education, rural development, and social service. The foundation has been active since 1992. Its core mission is to carry forward the values that Manubhai Pancholi championed throughout his life—education, rural reconstruction, historical inquiry, and humanism. Awards are presented to individuals and institutions that have rendered outstanding service in literature, education, and rural development. In addition, the foundation organizes lectures, seminars, and discussion forums to promote Manubhai Pancholi’s ideas and literary legacy. It also encourages research, studies, and publications related to history and social life. Navi Savar recently had an opportunity to discuss the activities and vision of the foundation with its trustee, Mr. Sanjaybhai Chaudhary. રમેશ તન્ના પત્રકાર, સંપાદક, લેખક, વક્તા અને સમાજસેવક છે. પહેલી ડિસેમ્બર, 1966ના રોજ ઉત્તર ગુજરાતમાં પાટણ જિલ્લાના સમી તાલુકાના અમરાપુર ગામમાં તેમનો જન્મ. માતા પ્રભાબહેન પાસેથી માતૃભાષા તથા સંવેદના, પિતા પ્રભુરામ પાસેથી ઉદારતા તથા સરળતા અને ગામ અમરાપુર પાસેથી સામાજિક દાયિત્વનો વારસો તેમણે ઝીલ્યો. બી.કૉમ થયા પછી તેમણે પત્રકારત્વ વિષયમાં પણ સ્નાતકની ઉપાધિ મેળવી. એ પછી મહાત્મા ગાંધી સ્થાપિત ગૂજરાત વિદ્યાપીઠમાંથી તેઓ પત્રકારત્વ વિષયમાં પારંગત (માસ્ટર) થયા. અહીં જ તેમણે બે વર્ષ પત્રકારત્વ વિભાગમાં પૂર્ણ સમયના વ્યાખ્યાતા તરીકે ફરજ બજાવી. સ્વતંત્ર રહીને સમાજ ઉપયોગી લેખન કરવાના પ્રયોજન સાથે તેમણે નોકરી છોડી. વિવિધ અખબારોમાં મુક્ત રીતે લખતા રહ્યા. 1999થી 2013 સુધી, ચૌદ વર્ષ તેમણે અમેરિકાથી પ્રકાશિત થતા સાપ્તાહિક 'ગુજરાત ટાઇમ્સ'માં મનવાસ ભોગવ્યો. અહીં તેમણે પત્રકાર, પૂર્તિ-સંપાદક અને નિવાસી તંત્રી તરીકે ફરજ બજાવી. આદર્શ અને સત્ત્વશીલ સામયિકનું સર્જન કરવામાં તેઓ સફળ રહ્યા. સને 2014થી તેઓ મુક્ત રીતે લેખન કરે છે. ગુજરાતી ભાષામાં તેઓ પૉઝિટિવ પત્રકારત્વના પ્રણેતા ગણાય છે. તેઓ 1990થી સમાજોપયોગી, વિકાસલક્ષી અને વિધેયાત્મક લેખન કરી રહ્યા છે. સોશિયલ મીડિયામાં તેમણે પૉઝિટિવ પત્રકારત્વનો પ્રારંભ કર્યો જેને વાચકો તરફથી સુંદર પ્રતિસાદ મળ્યો. તેમનાં પૉઝિટિવ શ્રેણીનાં દસ પુસ્તકો સમાજમાં હકારાત્મકતા પ્રસારી રહ્યાં છે. તેની 75,000 પ્રતનું વેચાણ થયું છે. 2024થી નવી સવાર યૂ-ટ્યૂબ ચેનલ પર તેઓ પૉઝિટિવ પત્રકારત્વ કરી રહ્યા છે.