ඉංග්‍රීසි - සිංහල බෙහෙත් දීලා අලි ඇතුන් සනීප කරන කපටි විදිය | Pet Talk

පුරා දින 11ක් මහනුවර ලස්සන කල 2025 ඇසල පෙරහැර මංගල්‍යය විචිත්‍රවත් ලෙස පසුගියදා අවසන් වුනා. එක පෙරහැරක දකින්නට ලැබෙන වැඩිම අලි ඇතුන් සංඛ්‍යාවක් මෙවරත් නුවර විථි වල අපිට දකින්නට ලැබීමම වාසනාවක්. මෙවරත් අලි ඇතුන් 60 කට වැඩි සංඛ්‍යාවක් පෙරහැර මංගල්‍යය සමග සම්බන්ධ වූ අතර මේ වනවිට මහනුවරම නැවත පාලු වී තිබෙන්නේ අලි ඇතුන් දිවයිනේ අනිත් ප්‍රදේශ වල පැවැත්වෙන පෙරහැර සඳහා සහභාගිවිමට පිටත් වී ඇති නිසාවෙන්. කතරගම වාසනා ගේ ඉඳන් මාලිගාවේ ඇත් පන්තියේ අලි ඇතුන්ද අනෙක් ප්‍රදේශ වල පෙරහැර සඳහා සහභාගී වන කාලවකවානුවක ඔවුන්ගේ සෞඛ්‍ය සම්පන්න භාවය පවත්වා ගන්න කරන්නේ මොනවද යන්න හැමෝටම ප්‍රශ්නයක්. නුවරට පමණක් සිමා නොවී ලංකාවේ හැම පෙරහරකම වගකීම සිදුකරන්න අලි ඇතුන්ගේ සෞඛ්‍ය තත්ත්වය උපරිම මට්ටමකින් පවත්වා ගැනීමට වෛද්යවරුය්න් දැඩි සේ කැපවනවා. සෑම පෙරහරකට කලින්ම බටහිර සහ දේශීය වෛද්‍යක්‍රම භාවිතා කරමින් වෛද්‍යවරු අලි ඇතුන්ට බෙහෙත් කරනවා. එවැනි අවස්ථා වල කොපමණ හීලෑ අලි ඇතුන් හිඟයක් පැවතුනත් සත්වයාගේ සෞඛ්‍ය තත්ත්වය යහපත් නොමැති නම් එම හස්තියාව පෙරහරට සහභාගී කරගන්නේ නැහැ. මේ ගැන අපිට වඩා හොඳින් දළදා මාලිගාවේ පශු වෛද්‍ය වෛද්‍ය තරිඳු විජේකෝන් මහත්මයාම ඔබට පවසයි.