မြစ်ခြေမှာ စစ်အုပ်စုရဲ့ ဖမ်းဆီးခံရပြီး ထွက်ပြေးလွတ်မြောက်လာသူနဲ့ မေးမြန်းချက်

“ဘိုးတော်ကြီးတစ်ယောက်ကို လ-ည်-လ-ှ ီး- သ-တ-်ပြီး သွေးကို ကျနော့်ပါးစပ်ထဲ ထည့်တာ” အီသာရမ်/MFP၊ ဇွန် - ၇ ကမ္ဘာ့ယဉ်ကျေးမှု အမွေအနှစ်ဒေသ ပုဂံမြို့ရဲ့ ဧရာဝတီမြစ် တဖက်ကမ်းရှိ ပခုက္ကူမြို့နယ်၊ မြစ်ခြေမြို့မှာ အာဏာသိမ်း စစ်အုပ်စုက အမျိုးသမီးတွေ အပါအဝင် ဒေသခံပြည်သူ ၄၀ ခန့်ကို အစုလိုက်အပြုံလိုက် သတ်ဖြတ် စွန့်ပစ်ခဲ့ပါတယ်။ မန္တလေးနန်းတွင်း အခြေစိုက် အလယ်ပိုင်းတိုင်းစစ်ဌာနချုပ် - လပခ လက်အောက်ခံ တပ်ရင်းတပ်ဖွဲ့တွေ ဖြစ်တဲ့ ပုဂံ-ညောင်ဦးမြို့ရှိ စစ်အုပ်စုနဲ့ ပခုက္ကူမြို့ အမှတ် ၁၀၁ ခြေမြန်တပ်မဌာနချုပ် - တပ်မ ၁၀၁ က စစ်အုပ်စုတို့ ပူးပေါင်းကာ မေလ ၁၀ရက်က စလို့ ပုဂံမြို့တဖက်ကမ်းရှိ မြစ်ခြေမြို့ကို စီးနင်းကာ လူသတ်၊ လုယက်၊ မီးရှို့တာ ဖြစ်ပါတယ်။ ဇွန်လ ၂ရက်မှာ စစ်အုပ်စုတွေ မြစ်ခြေမြို့ပေါ်က ပြန်ထွက်သွားလို့ ဒေသခံတွေ မြို့ထဲဝင်ကြည့်ချိန် ပြန့်ကြဲ၊ ပုပ်ပွနေတဲ့ အလောင်းတွေ၊ မြေမြှုပ်ထားတဲ့ အလောင်းတွေနဲ့ မီးရှို့ထားတဲ့ အရိုးစုတွေ တွေ့ရတာလို့ ကိုယ်တိုင် မြင်တွေ့ခဲ့ရသူတွေက ပြောပါတယ်။ မြစ်ခြေမြို့မှာ စစ်အုပ်စုရဲ့ ဖမ်းဆီးခြင်းခံရပြီး မသတ်ခင်လေးမှာ ထွက်ပြေးလွတ်မြောက်လာပြီး အသက်ဘေးက ကင်းလွတ်ခဲ့တဲ့ ဒေသခံတစ်ဦးကို MFP က ဆက်သွယ်မေးမြန်းထားပါတယ်။ MFP ရဲ့ သတင်း၊ဆောင်းပါးနဲ့ ရုပ်သံတွေကို ယူကျူ့နဲ့ ဝက်ဘ်ဆိုက်မှာလည်း ကြည့်နိုင်ပါတယ်။ #Mandalay_Free_Press_MFP #MFP #မြစ်ခြေ #အညာ #မကွေး (Mandalay Free Press – MFP သည် လွတ်လပ်၍ အမှီအခို ကင်းသော သတင်းဌာနဖြစ်ပြီး မန္တလေးနှင့် စစ်ကိုင်းတိုင်း သတင်းများကို အထူးပြုတင်ဆက်လျှက် ရှိပါသည်။) Mandalay Free Press – MFP မှ တင်ဆက်သောသတင်းများကို ဖတ်ရှုနိုင်ရန် အောက်ဖော်ပြပါ Channel များကို Follow (သို့မဟုတ်) Subscribe လုပ်ထားနိုင်ပါသည်။ Facebook:   / mandalayfreepress   YouTube:    / @mandalayfreepressmfp   #MFP #MandalayFreePress #မန္တလေး #တော်လှန်သော #သပိတ် #မိခင်