[冷科技評測]山寨UV Printer - 一個失敗經驗分享

可能大家唔係太知UV Printer究竟係啲乜嘢嚟，原理上UV Printer同一部普通嘅Inkjet噴墨打印機並無太大分別，不過就多咗一個UV燈用來照射打印到物件上嘅UV墨水，將其固化 UV墨水嘅耐用性十分高，由於經過固化，可以依附喺好多唔同物件表面，所以常應用喺一啲工業印刷用途上；所以UV Printer基本上搵唔到有平民百姓都可以負擔到買到嘅版本 就係因為專業同家用打印機中間一個巨型缺口，以及UV Printer專業市場有價，因此就吸引咗好多山寨廠商去改裝同生產一啲相對較便宜嘅UV Printer 而我就係其中一個受到UV Printer特性吸引而購買過一部嚟研究嘅用家 可惜，其實呢啲山寨機嘅質素真係非常之差，其實由幾千蚊嘅A4 size嘅改裝機到十幾萬成間房咁大嘅UV printer都有，而一般越巨型嘅版本，用嘅噴頭嘅質素越好，A4版本基本上不可用；A3開始見得人；比A3再大嘅機用嘅噴頭就真係靚好多但就真係太大同維護嘅費用太多，操作亦好困難(去實地試機佢要成10分鐘先印到一個機殼俾我，而且佢部機似乎仲有好多問題) 我唔排除山寨貨中真係有好嘢，但實在太難遇到，基本上一般改裝機都會有好多問題，而且呢啲問題對唔熟悉構造嘅你同我，係好難做trouble shooting。而缺少auto calibration、自動測距(與打印物件距離)、自動對位等等功能，基本上操作困難、唔可用；所以真係千祈唔好貪過癮去買嚟玩 如果講可用而有少少口碑嘅UV Printer，我研究過應該要數係2萬至3萬蚊美金左右嘅Roland(利申，非廣告文，我未用過)；呢個牌子我見有唔少商家有用過，例如出合金車仔嘅本地彊Tiny，應該有一定可靠性 UV printer嘅白墨打印同耐用性其實好吸引，如果可以普及多啲同價錢親民啲就好；以上就係個人嘅一啲意見，多謝收睇 您可以透過以下地方找到我，請Follow我繼續支持我的創作，謝謝 https://www.dreamsdean.com   / dreamsdeanhk     / dreamsdean