ALICHOKISEMA MKUU WA SHULE TUKIO MWALIMU KUKATWA MAPANGA NA MWANAFUNZI

Kufuatia tukio la mwalimu Majogoro John wa shule ya Sekondari ya Kiagata kukatwa mapanga na mwanafunzi wake,walimu wa shule hiyo hawajaingia darasani kufundisha kwa zaidi ya wiki moja sasa kutokana na taharuki na hofu waliyopata kutokana na tukio hilo. Hata hivyo kupitia vikao mbalimbali vilivyofanywa shuleni hapo na uongozi wa mkoa ukiongzwa na katibu Tawala wa mkoa pamoja na vikao vingine vilivyofanywa na kamati ya ulinzi na Usalama ya wilaya ya Butiama tayari walimu hao wameanza kurudi katika hali ya kawaida na wameazimia kwa pamoja kuanza kufundisha jumatatu ijayo.