Ilir Meta themelon LSI në Lushnje - (26 Shtator 2004)

Lajme Arkiva - TV Klan 2004 Lëvizja Socialiste për Integrim ka nisur në Divjakë, kështu e ka motivuar kryetari i kësaj partie Ilir Meta gjestin e socialistëve të kësaj komune që kanë dorëzuar teserat e PS dhe janë anëtarësuar në LSI. Në takimin themelues të LSI-së në Lushnje, kanë marrë pjesë dhjetëra socialistë, duke demonstruar në këtë mënyrë faktin se janë bërë pjesë e LSI-së. Ilir Meta: “Se kjo është një lëvizje, e cila duhet të shkojë atje ku janë problemet më të mëdha. Se kjo është një lëvizje që duhet të shkojë tek njerëzit dhe tek vështirësitë që ata kanë, në mënyrë që t’i ndihmojë dhe të bashkëpunojë me ta për t’i kapërcyer këto vështirësi dhe për të përmirësuar jetën e tyre. Por edhe kush mendon, se kjo lëvizje në Lushnje ka filluar thjesht këtë javë përsëri e ka gabim. Ne e kemi filluar zoti Spartak që në gusht të vitit 2003, jo në Dushk, po në pallatin e kulturës, kur bashkë me të gjithë ata shokë socialistë, me personalitet e me kurajo, ne kemi ngritur që atëherë çështjen e monopoleve të rritjes së varfërisë, të mungesës së investimeve dhe shikoni edhe pas katër vjetësh rruga ka ngel siç ka qenë kur e kemi inauguruar në qershor të 2001.” Lëvizja Socialiste nuk do të thotë, thjesht integrim n BE, ajo është në radhë të parë integrim brenda vetes, integrim brenda shtresave të ndryshme shoqërore ka thënë Meta. Ilir Meta: “Ne kemi detyrë të tillë, problemi për të dalë forcë e parë në Lushnje unë mendojë që nuk ekziston, pasi jam i bindur që e majta është mazhorancë, e padiskutueshme këtu në Lushnje, pavarësisht nga rezultati i zgjedhjeve të pushtetit vendor, ku populli i Lushnjes nuk votoi kundër të majtës, por populli i Lushnjes ndejti në shtëpi, se nuk mund të votonte për monopolistët dhe për oligarkët e të majtës.”/tvklan.al SUBSCRIBE to “RTV KLAN” on YouTube for more videos! Për më shumë informacione vizitoni faqen tonë web https://tvklan.al/ Videot e fundit nga Tv Klan i gjeni në faqen https://tvklan.al/video/ Follow Tvklan on Facebook:   / tvklan   Follow Tvklan on Instagram:   / rtvklan   Programet e Tv Klan mund t’i ndiqni edhe në faqen https://tvklan.al/programe/