陳卓賢Ian回應MIRROR被Rapper出歌批評

陳卓賢（Ian）今日在中環出席活動，近年他人氣急升，工作量激增頻頻賺外快，不過Ian對於自己薪酬完全不知情，一切交由公司掌握，十分期待出糧，他笑說：「一年半載先出一次糧，年頭出過一次，要慳啲使，好彩我冇乜大消費。」日常最大開支用於家庭及媽媽上，會節儉自己，慷慨屋企人。 相反用於拍拖使費則簡單為主，Ian透露和女模盧慧敏（Amy Lo）拍拖不會太多消費，飲食也不算奢侈。日前女友28歲生日，Ian說：「送咗心意同祝福，禮物都有。」Ian雖然不是月月出糧，幸好女友沒投訴，他說：「物質唔太重要，衣食住行應付到就可以，心靈上多啲，唔使太物質。」 近日有Rapper出歌批評MIRROR ，Ian表示沒留意，但認為音樂是自由表達自己渠道，為自己發聲。對於被重點抨擊組合某些成員只賣樣沒有實力，Ian大方回應：「首先多謝佢覺得我哋靚仔，大家私下都付出好多努力，當然佢哋都天生麗質，唔係只靠化妝，我哋都有去上堂學唱歌，希望做到一個標準，等大家知道我哋有努力。」Ian不會為事件嬲怒，反而覺得每人都有表達個人意見自由，對批評MIRROR歌曲沒有個人情感，會集中自己作品為主。 #陳卓賢 #ianchan #MIRROR #星島娛樂