Top News- Zbërthehet i penduari i drejtësisë/‘Dumani më dha 65 mijë euro për katër vrasje në Durrës'

I veshur me fanellën e Real Madritit, e cila mbrapa mbante numrin 10 me mbiemrin e tij, Henrik Hoxhaj i penduari i drejtësisë ka rrëfyer në Gjykatën e Posaccme mbi vrasjet e Dorjan Shkozës dhe Anxhelo Avdisë si edhe vëllezërve Besmir dhe Viktor Haxhia. Ai ka treguar se me Nuredin Dumanin janë njohur në ditëlindjën e Festim Qolit. Nga aty ata kanë shkëmbyer numrat e telefonave e ndërsa kanë nisur kontaktet bashkë. “Dumani më premtoi 60 mijë euro, nga të cilat më ka dhënë 35 mijë, sepse pjesën tjetër i mori Elio Bitri. Ky i fundit ka qenë në timon, unë te sedilja e pasme e pasagjerit. Kam patur 2 pistoleta 9 mm, ndërsa Bitri një pistoletë me mulli. Objektivi sipas Dumanit ishte Dorian Shkoza, madje ky i ka dalë para Avdiajt për ta mbrojtur kur kemi qëlluar. Kam qëlluar me të dyja armë, edhe Bitri qëlloi njëherë me armën e tij. Me Dumanin, pasi më dha pagesën, jam takuar edhe për planin e vrasjes së Besmir Haxhias”, u shpreh ai para gjykatës. Sa i përket vrasjes së vëllezërve Haxhia, Henrik Hoxha rrëfen se objektiv ka qenë Besmir Haxhia dhe jo vëllai Viktori. “Objektiv ishte Besmiri, kur u afruam i pamë të dy, dhe Nuredini me Klevis Allën, i thanë njëri-tjetrit, qenka me vëllain. Viktori ishte rastësi. Mbaja veshur një jelek dhe kapele të OFL-së. Nuredini më tha se i kishte gjetur në Elbasan. Kisha dy armë automatike në makinë. Shoferi ynë u fut në parakalim kur i pamë vëllezërit, dhe nisa të qëlloj. Nuredinit s'po i shkrepte arma. Kam goditur me xhama mbyllur. Nuredinin se kam parë ç'ka bërë se nuk e kisha mendjen. Kam qëlluar edhe nga xhami i pasëm, shoferin e mjetit, Besmirin. Kam zbritur dhe mora armën tjetër se më mbaruan plumbat dhe qëllova sërish për tu siguruar. Me Klevis Allën që ishte shoferi ynë nuk kam folur asnjë fjalë. Madje teksa më shikonte në fytyrë një moment i kam thënë "ç'ke që sheh, kthehu para". Kapelet dhe jelekun i hodhëm rrugës dytësore në Vorë kur po ktheheshim në Tiranë me Nuredinin. Pas vrasjes, Dumani më ka dhënë 30 mijë euro. Kur i thash pse kaq pak, më tha "kusho, e kam hall personal, po ta kërkoj si nder"," deklaroi ai. Sapo përfundoi dëshminë Henrik Hoxhaj, në Gjykatën e Posaccme u fut Nuredin Dumani. Gjykata mbylli dyert me kërkesë të prokurores Doloreza Musabelliu, për shkak se sipas saj, pyetjet dhe thëniet e Dumanit përbëjnë sekret hetimor. Gjithsesi deklarimet e Nuredin Dumanit u shtynë për shkak se Avokatët e Enver divës dhe Besian Xhixhës, kërkuan të njihen me deklarimet e Henrik Hoxhajt. Katër vrasjet në fjalë, sipas prokurorisë, janë kryer nga grupi I Talo Çelës, ku bënin pjesë Nuredin Dumani, Klevis Alla, Altin Ndoci, Besian Xhixha dhe Enver Diva. Top News është televizion informativ, i hapur në shkurt të vitit 2007. I konceptuar si format news, prioritet i saj është informimi i publikut përmes lajmit të fundit. Lidhje live për politikën, aktualitetin, kronikën, ekonominë, rajonin, botën, sportin, teknologjinë dhe show biz-in. “ Informohu i pari” , slogani për 24 orë lajme . Sjellim ndryshe realitetin mediatik në Shqipëri, ofrojmë një burim informacioni të saktë, të shpejtë, të besueshëm dhe të thelluar. Për më shumë vizitoni: http://top-channel.tv/ Subscribe to "Top Channel" on YouTube Channel for NEWS and TV Shows HERE: http://bit.ly/2Y15KwK For more content from click HERE: www.top-channel.tv Like Top Channel on Facebook HERE: http://bit.ly/2FglWTs Follow Top Channel on Instagram HERE: http://bit.ly/2uaYG2U Follow Top Channel on Twitter HERE: http://bit.ly/2TJndeH #TopNews#HenrikHoxhaj#Deshmia