Vəndamın tarixini yazan, qocaman ziyalımız - Ənvər Rəhimovla görüş...

Qəbələ rayonunun Vəndam qəsəbəsi 1 saylı tam orta məktəbində görkəmli əbədiyyatşünas ziyalı, qocaman müəllim hörmətli Ənvər Rəhimovla görüş keçirilib. Ənvər müəllim Qəbələnin və xüsusilə də Vəndamın tarixinə dair silsilə kitabların müəllifidir. Göstərdiyi xidmətlərinə görə o, "Qabaqcıl Təhsil İşçisi" adına layiq görülüb və Fəxri Fərmanla təltif edilib. Tədbirdə Vəndamın qabaqcıl ziyalıları və məktəbin müəllim-şagird kollektivi geniş tərkibdə iştirak ediblər. Ziyalılar ocağı- Vəndam qəsəbəsi öz dəyərli insanlarına və ağsaqqallarına dərin hörmət və ehtiramını bu şəkildə ifadə etməklə, şərəfli həyatını xalqımızın rifahı və xoşbəxt gələcəyimiz naminə fəda edən əsl ziyalılarımızın daim ən yüksək zirvədə olduğunu bir daha təsdiq edib. Ənvər müəllim - canlı xəzinə və gənc nəslimiz üçün layiqli örnəkdir. Allah ona can sağlığı versin və belə ağsaqqal-ziyalılarımızı başımız üzərindən əksik etməsin! Bütün vəndamlılar adından hörmətli Ənvər müəllimi bir daha təbrik edirik!!! Hörmətlə, Nurlan Bağırov 25.12.2015