შენ არ გჭირდება საკუთარი თავის პოვნა | ვარლამ ჩარკვიანი #12

ჩვენი შემდეგი სტუმარია ვარლამ ჩარკვიანი, იოგას პრაქტიკოსი და ინსტრუქტორი, რომელსაც ამ გზაზე უკვე 30-წლიანი გამოცდილება აქვს. ვარლამი იყენებს უკრაინელი ანდრეა სიდერსკის იოგურ პრაქტიკას და გვიყვება მის ახალ ტექნიკაზე, რომლის გაზიარებაც სულ ცოტა ხნის წინ გადაწყვიტა. ეპიზოდში ვსაუბრობთ იოგაზე, მედიტაციაზე, ცნობიერებაზე, ყოფიერებასა და უამრავ სხვა საინტერესო თემაზე. ასევე, ვარლამმა მიგვიწვია თავის სახლში, ფასანაურში, და შეგვახედა სახელოსნოში, სადაც ქმნის გამორჩეულ ნახატებს. გვაჩვენებს, როგორია მისი ყოველდღიურობა და გვიყვება, როგორ აღმოაჩინა მედიტაციურ მდგომარეობაში ის შემოქმედებითი ნიჭი, რომლის საშუალებითაც დღეს იმ სიმშვიდესა და შინაგან მდგომარეობას გამოხატავს, რომელშიც ის ახლა ცხოვრობს.